ଝୁଲିଝୁଲି ରଥରେ ବିଜେ କରୁଛନ୍ତି ବ୍ରହ୍ମାଣ୍ଡ ଠାକୁର
ପୁରୀ: ପବିତ୍ର ବାହୁଡା ଯାତ୍ରାରେ ଆରମ୍ଭ ହୋଇଛି ପହଣ୍ଡି । ପ୍ରଥମେ ଚକ୍ରରାଜ ସୁଦର୍ଶନ ଓ ପରେ ବଡ ଠାକୁର ବଳଭଦ୍ର ଏବଂ ଦେବୀ ସୁଭଦ୍ରା ପହଣ୍ଡିରେ ଯାଇ ରଥାରୁଢା ହେବା ପରେ ଶେଷରେ ଝୁଲି ଝୁଲି ଆସିଛନ୍ତି କାଳିଆ ଠାକୁର । ପାରମ୍ପରିକ ବାଦ୍ୟର ତାଳେ ତାଳେ ଧାଡି ପହଣ୍ଡିରେ ତାଳଧ୍ୱଜ ରଥକୁ ବିଜେ କରୁଛନ୍ତି ତିନି ଠାକୁର । ଆଷାଢ ଶୁକ୍ଳ ଦଶମୀ ତିଥିରେ ସକାଳ ଧୂପରେ ଖେଚୁଡି ଖାଇ ରଥକୁ ବିଜେ କରୁଛନ୍ତି ଶ୍ରୀଜୀଉ । ପରମ୍ପରା ଅନୁଯାୟୀ, ବାହୁଡା ପହଣ୍ଡି ବେଳେ ଶ୍ରୀଜୀଉଙ୍କ ଶ୍ରୀ ମସ୍ତକରେ ଶୋଲ ଓ ଫୁଲରେ ନିର୍ମିତ ଆକର୍ଷଣୀୟ ଟାହିଆ ଲଗାଯାଇଛି । ସେବକ ଓ ଭକ୍ତଙ୍କ ମେଳରେ ଝୁଲିଝୁଲି ରଥରେ ବିଜେ କରୁଛନ୍ତି ବ୍ରହ୍ମାଣ୍ଡ ଠାକୁର। ଏଥିପାଇଁ ପୁରୀକୁ ଭକ୍ତଙ୍କ ସୁଅ ଛୁଟିଛି। ଜଳ, ସ୍ଥଳ, ଆକାଶ ପଥରେ ଅଭୂତପୂର୍ବ ସୁରକ୍ଷା ବ୍ୟବସ୍ଥା କରାଯାଇଛି। ଭକ୍ତଙ୍କ ଗତିବିଧି ଉପରେ ତୀକ୍ଷ୍ମ ନଜର ରଖିଛି ।
Powered by Froala Editor
