ସୁପରଷ୍ଟାର ସଲମାନ ଖାନଙ୍କୁ ଏବେ ୫୯ ବର୍ଷ ବୟସ। ବୟସାଧିକ ସତ୍ତ୍ୱେ ଫିଲ୍ମରେ ବହୁତ ସକ୍ରିୟ ଅଛନ୍ତି ସେ। ହେଲେ ଏବେ ସଲମାନଙ୍କୁ ନେଇ ବଡ଼ ଖୁଲାସା ହୋଇଛି। ସଲମାନ ଖାନ ଦି ଗ୍ରେଟ୍ ଇଣ୍ଡିଆନ୍ କପିଲ୍ ସୋ’ର ସିଜିନ୍ ୩ର ପ୍ରଥମ ଏପିସୋଡ୍‌ରେ ନଜର ଆସିଥିଲେ। ସଲମାନ ସୁନୀଲ ଗ୍ରୋଭର, କିକୁ ଶାରଦା ଏବଂ କୃଷ୍ଣ ଅଭିଷେକଙ୍କ କମେଡିର ମଜା ନେବା  ସହିତ  କପିଲ୍ ଶର୍ମା, ନବଜୋତ ସିଂହ ସିଦ୍ଧୁ ଏବଂ ଅର୍ଚ୍ଚନା ପୁରନ୍ ସିଂହଙ୍କ ସହ ମନଖୋଲି କଥା ହୋଇଥିଲେ। 

ସୋ’ରେ ଅର୍ଚ୍ଚନା ସଲମାନଙ୍କୁ ପଚାରିଥିଲେ ଯେ ତାଙ୍କୁ ସବୁବେଳେ ତାଙ୍କ ବିବାହ ବିଷୟରେ କାହିଁକି ପଚରାଯାଏ? ଏହାର ଉତ୍ତର ଦେଇ ସଲମାନ କହିଥିଲେ, "ମୋ ବିବାହ କାହାର ଜୀବନରେ କ’ଣ ଫରକ ପକାଇବ? କଥା ହେଉଛି ଧର୍ଯ୍ୟ, ଝଗଡା, ସ୍ୱାମୀ ଏବଂ ସ୍ତ୍ରୀ ପରସ୍ପର ପାଇଁ କରୁଥିବା ତ୍ୟାଗ, ସହନଶୀଳତା ଆଉ ନାହିଁ। ମହିଳାମାନେ ସାମାନ୍ୟ ଘୁଙ୍ଗୁଡ଼ି ମାରିବା ପାଇଁ ବି ସ୍ବାମୀଙ୍କୁ ଛାଡ଼ପତ୍ର ଦେଇ ଦେଉଛନ୍ତି। ଛୋଟ ଭୁଲ ବୁଝାମଣା ଯୋଗୁଁ ଛାଡପତ୍ର ମାମଲା ଦିନକୁ ଦିନ ବୃଦ୍ଧି ପାଇବାରେ ଲାଗିଛି।

ଏହାସହ ଅଭିନେତା ନିଜ ସ୍ବାସ୍ଥ୍ୟ ସମସ୍ୟାକୁ ନେଇ ବଡ଼ କଥା କହିଛନ୍ତି। ସେ ଭୟଙ୍କର ରୋଗରେ ପୀଡ଼ିତ ଥିବା ଜଣାପଡ଼ିଛି। ସେ ଟ୍ରାଇଜେମିନାଲ ନ୍ୟୁରାଲଜିଆ, ବ୍ରେନ ଆନ୍ୟୁରିଜମ୍‌ ଏବଂ ଏଭି ମାଲ୍‌ଫର୍ମେସନ ଭଳି ରୋଗରେ ପୀଡ଼ିତ। ଏଥିଯୋଗୁ ଶାରୀରିକ ଭାବରେ କ୍ଲାନ୍ତ ହେବା ଏବଂ ଅତ୍ୟଧିକ ଯନ୍ତ୍ରଣା ସତ୍ତ୍ୱେ ଫିଲ ପାଇଁ କଠିନ ପରିଶ୍ରମ କରୁଛନ୍ତି  ବୋଲି କହିଛନ୍ତି । 

ସଲମାନଙ୍କୁ ଶେଷ ଥର ପାଇଁ ରଶ୍ମିକା ମଣ୍ଡାନାଙ୍କ ସହିତ ସିକନ୍ଦର ଫିଲ୍ମରେ ଦେଖିବାକୁ ମିଳିଥିଲା। ଏହି ଫିଲ୍ମରେ କାଜଲ ଅଗ୍ରୱାଲ, ଶର୍ମନ ଜୋଶୀ, ସତ୍ୟରାଜ, ଜତିନ ସରନା, ସଞ୍ଜୟ କପୁର, ପ୍ରତୀକ, ସ୍ମିତା ପାଟିଲ ଏବଂ କିଶୋର ମଧ୍ୟ ନଜର ଆସିଥିଲେ।

Powered by Froala Editor