ମଙ୍ଗଳବାର ChatGPT ର ମୂଳ କମ୍ପାନି ଓପନଏଆଇ ଏକ ଗୁରୁତର ବୈଷୟିକ ସମସ୍ୟାର ସମ୍ମୁଖୀନ ହୋଇଥିଲା ଯେତେବେଳେ ଏହାର ପ୍ରମୁଖ ସେବା ଚାଟଜିପିଟି, ସୋରା ଭିଡିଓ ଜେନେରେସନ ମଡେଲ ଏବଂ ଡେଭଲପର ଏପିଆଇ ଗୁଡ଼ିକ ଏକକାଳୀନ କ୍ରାସ୍ ହୋଇଯାଇଥିଲା। ଏହାଫଳରେ  ChatGPT ବ୍ୟବହାର କରୁଥିବା ଉପଭୋକ୍ତାମାନେ କିଛି ଘଣ୍ଟା ଧରି ସମସ୍ୟାର ସମ୍ମୁଖୀନ ହେଉଛନ୍ତି । ଉପଭୋକ୍ତାମାନେ ଲଗ୍ ଇନ୍ ଏବଂ Ghibli ସୃଷ୍ଟି କରିବାରେ ସମସ୍ୟାର ସମ୍ମୁଖୀନ ହେଉଛନ୍ତି ।

କମ୍ପାନି ପକ୍ଷରୁ ସ୍ବୀକାର କରାଯିବା ସମୟବେଳକୁ ଏହି ସମସ୍ୟାକୁ ୪ ଘଣ୍ଟା ହୋଇସାରିଥିଲା। ବିଶ୍ବ କ୍ରମଶଃ ଏଆଇ ଉପରେ ନିର୍ଭରଶୀଳ ହୋଇଚାଲିଥିବାରୁ ଏହି ତ୍ରୁଟିଯୋଗୁଁ ଅନେକ କ୍ଷେତ୍ର ପ୍ରଭାବିତ ହୋଇଥିଲା ।

Downdetector ର ରିପୋର୍ଟ ଅନୁଯାୟୀ, 84 ପ୍ରତିଶତ ଉପଭୋକ୍ତା ChatGPT ଚଲାଇବାରେ ସମସ୍ୟାର ସମ୍ମୁଖୀନ ହେଉଛନ୍ତି । ସେହି ସମୟରେ, 12 ପ୍ରତିଶତ ଉପଭୋକ୍ତା ଆପ୍ ଉପରେ କାମ କରିବାରେ ସମସ୍ୟାର ସମ୍ମୁଖୀନ ହେଉଛନ୍ତି । ଅନେକ ଲୋକ ଅଭିଯୋଗ କରିଛନ୍ତି ଯେ ସେମାନେ ପ୍ଲାଟଫର୍ମରେ Ghibli ଇମେଜ୍ ଜେନେରେଟ୍ କରିପାରୁ ନାହାଁନ୍ତି ।

ସାମ୍ ଅଲ୍ଟମ୍ୟାନଙ୍କ ନେତୃତ୍ୱାଧୀନ କମ୍ପାନୀ ଆନୁଷ୍ଠାନିକ ଭାବରେ ନିଶ୍ଚିତ କରିଛି ଯେ ସେମାନଙ୍କ ସିଷ୍ଟମରେ "ଅସାଧାରଣ ଭାବରେ ଉଚ୍ଚ ତ୍ରୁଟି ହାର ଏବଂ ବିଳମ୍ବତା" ରେକର୍ଡ କରାଯାଉଛି। କମ୍ପାନୀ ଏହା ମଧ୍ୟ କହିଛି ଯେ ଏହା ଏହି ବୈଷୟିକ ତ୍ରୁଟିଗୁଡ଼ିକର ତଦନ୍ତ କରାଯାଉଛି । ଏହା ଉଲ୍ଲେଖନୀୟ ଯେ ଓପନଏଆଇ ୨୦୧୫ ଶେଷ ସୁଦ୍ଧା ଚାଟଜିପିଟି ଉପଭୋକ୍ତାଙ୍କ ସଂଖ୍ୟା ୧ ବିଲିୟନକୁ ବୃଦ୍ଧି କରିବାର ଲକ୍ଷ୍ୟ ରଖିଛି, ଏପରି ପରିସ୍ଥିତିରେ, ଏପରି ଏକ ବ୍ୟାଘାତ ସେମାନଙ୍କ ପାଇଁ ଚିନ୍ତାର ବିଷୟ ହୋଇପାରେ।

Powered by Froala Editor