କର୍ଣ୍ଣାଟକର ରାଜଧାନୀ ବେଙ୍ଗାଲୁରୁ ଏକ ଚାଞ୍ଚଲ୍ୟକର ହତ୍ୟା ମାମଲା ସାମ୍ନାକୁ ଆସିଛି । ପରକୀୟା ପ୍ରୀତି ପାଇଁ ଜଣେ ମହିଳାଙ୍କୁ ଜୀବନ ହାରିବାକୁ ପଡ଼ିଛି। ସମ୍ପର୍କ ଚ୍ଛିନ୍ନ କରିବାକୁ କହିବାରୁ ପ୍ରେମିକ ତାଙ୍କୁ ୧୭ ଥର ଛୁରି ଭୁସି ହତ୍ୟା କରିଛି। ବେଙ୍ଗାଲୁରୁ ନିକଟରେ ଏକ ହୋଟେଲରେ ଘଟିଥିବା ଏହି ହତ୍ୟାକାଣ୍ଡ ଏବେ ଚର୍ଚ୍ଚାର ବିଷୟ ପାଲଟିଛି। ଘଟଣା ପରେ ପୁଲିସ ଅଭିଯୁକ୍ତକୁ ଗିରଫ କରିଛି। ଅଭିଯୁକ୍ତ ଜଣେ ୨୫ ବର୍ଷୀୟ ସଫ୍ଟଓ୍ବେର ଇଞ୍ଜିନିୟର ଓ ତା’ ନାମ ୟାହସ।

ବିବାହିତ ମହିଳାଙ୍କୁ ତାଙ୍କ ପ୍ରେମିକ ୟାହସ ଓୟୋ ହୋଟେଲରେ ୧୭ ଥର ଛୁରି ଭୁସି ହତ୍ୟା କରିଛି । ମୃତ ମହିଳାଙ୍କ ନାମ ହରିଣୀ (୩୬)। ହରିଣୀ ବିବାହିତ ଥିଲେ ଏବଂ ତାଙ୍କର ଦୁଇଟି ସନ୍ତାନ ଅଛି । କୁହାଯାଉଛି ଯେ ହରିଣୀଙ୍କର ଯଶସଙ୍କ ସହିତ ଅବୈଧ ସମ୍ପର୍କ ଥିଲା। ଅଭିଯୁକ୍ତକୁ ସୁବ୍ରହ୍ମଣ୍ୟପୁର ପୋଲିସ ଗିରଫ କରିଛି ଏବଂ ମାମଲାର ତଦନ୍ତ ଚାଲିଛି ।

ହରିଣୀ ହିମାଚଳପ୍ରଦେଶର ୪୧ ବର୍ଷୀୟ ଜଣେ ଚାଷୀଙ୍କୁ ୨୦୧୨ରେ ବିବାହ କରିଥିଲେ। ସେମାନଙ୍କର ୨ଟି ଝିଅ ଅଛନ୍ତି। ୩ ବର୍ଷରେ ତଳେ ସେ ୟାହସଙ୍କୁ ଏକ ଗାଁ ମେଳରେ ଭେଟିଥିଲେ, ଯାହା ପରବର୍ତ୍ତୀ ସମୟରେ ପରକୀୟା ପ୍ରୀତିରେ ପରିଣତ ହୋଇଥିଲା। ଉଭୟ ପରସ୍ପରର ଫୋନ୍ ନମ୍ବର ନେଇଥିଲେ। ଉଭୟ କଥାବାର୍ତ୍ତା ଆରମ୍ଭ କରିଥିଲେ ।

ହରିଣୀ ଏବଂ ୟାହସଙ୍କ ମଧ୍ୟରେ ଶାରୀରିକ ସମ୍ପର୍କ ମଧ୍ୟ ଥିଲା। ଏହି ସମୟ ମଧ୍ୟରେ ତାଙ୍କ ସ୍ୱାମୀ ଦାସେଗୌଡ଼ା ତାଙ୍କ ଉପରେ ସନ୍ଦେହ କଲେ । ଏହା ପରେ, ସେ ହରିଣୀଙ୍କ ଫୋନ୍ ଛଡ଼ାଇ ନେଲେ ଏବଂ ତାଙ୍କ ସ୍ତ୍ରୀଙ୍କ ଅବୈଧ ସମ୍ପର୍କ ବିଷୟରେ ଜାଣିପାରିଲେ । ତା’ପରେ ଦାସେଗୌଡ଼ା ହରିଣୀଙ୍କୁ ଘରେ ବନ୍ଦ କରିଦେଲେ ।

ୟାହସ ତାଙ୍କ ସହିତ ଯୋଗାଯୋଗ କରି ନ ପାରିବାରୁ ପାଗଳ ହୋଇଯାଉଥିଲେ। ତେଣୁ ସେ ତାଙ୍କୁ ଖୋଜି ମାରିବାକୁ ନିଷ୍ପତ୍ତି ନେଇଥିଲେ । ସେ ହରିଣୀଙ୍କୁ ହତ୍ୟା କରିବା ପାଇଁ ଏକ ଛୁରୀ ମଧ୍ୟ କିଣିଥିଲେ।

ତେବେ ଶେଷ ଥର ଲାଗି ଉଭୟେ ପରସ୍ପରଙ୍କୁ ଭେଟିବାକୁ ନିଷ୍ପତ୍ତି ନେଇଥିଲେ। ଗତ ୬ ତାରିଖ ସନ୍ଧ୍ୟାରେ ୟାହସ ହରିଣୀଙ୍କୁ ତାଙ୍କ କାରରେ ବସାଇ ବୁକ୍‌ କରିଥିବା ଏକ ହୋଟେଲକୁ ନେଇଥିଲେ। ରାତିରେ ଦୁହେଁ ସେଠାରେ ରହିଥିଲେ। ଏହି ସମୟରେ ପରିବାରର ଚାପ ଯୋଗୁ ହରିଣୀ ଆଉ ତାଙ୍କୁ ଭେଟି ପାରିବେ ନାହିଁ ବୋଲି ୟାହସଙ୍କୁ କହିଥିଲେ। କିନ୍ତୁ ୟାହସ ହରିଣୀଙ୍କୁ ଛୁରିରେ ଭୁସି ହତ୍ୟା କରିଥିଲେ। ପରେ ନିଜେ ପୁଲିସକୁ ଘଟଣା ସମ୍ପର୍କରେ ସୂଚନା ଦେଇଥିଲେ। ଯାହାଫଳରେ ପୁଲିସ ତାଙ୍କୁ ଗିରଫ କରିଥିଲା।

Powered by Froala Editor