ଲକ୍ଷ୍ନୌ : ବାବ୍ରୀ ମସଜିଦ କୋଉଠି ଥିଲା ? ସୁରକ୍ଷାକର୍ମୀଙ୍କୁ ଏଭଳି ପ୍ରଶ୍ନ ପଚାରି ଜଣେ ଯୁବକ ଅକଳରେ ପଡ଼ିଯାଇଛନ୍ତି  । ରାମମନ୍ଦିର ନିର୍ମାଣ ସ୍ଥଳୀରେ ଯୁବକ ଜଣଙ୍କ ଏହି ପ୍ରଶ୍ନ ପଚାରିବା ପରେ ତାଙ୍କୁ ପୁଲିସ ଅଟକ ରଖିଛି  । ଏମିତିକି ଏବେ ଯୁବକକୁ ପୁଲିସ ଓ ଗୁଇନ୍ଦା ସଂସ୍ଥା ପଚରାଉଚରା କରୁଥିବା ନେଇ ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି  ।

ଯୁବକକୁ ପଚରାଉଚରା କରିବା ପରେ ପୁଲିସ କହିଛିଯେ, ସେହି ଯୁବକ ନାଁ ବିଲାଲ  । ସେ ମୁରାଦ୍ଧବାଦରେ ରହୁଥିଲା  । ଦାୱତ-ଇ-ଇସଲାମୀ ସଂଗଠନର ସେ ସଭ୍ୟ  । ଅଯୋଧ୍ୟାକୁ ବୁଲିବାକୁ ଆସିବା ବେଳେ ସେ ନିଜ ସଂଗଠନର କାର୍ଯ୍ୟକର୍ତାଙ୍କୁ ବାବ୍ରି ମସଜିଦ ସମ୍ପର୍କରେ ପଚାରିଥିଲା  । ତେବେ ସେହି ସ୍ଥାନରେ ଏବେ ମନ୍ଦିର ତିଆରି ହେଉଛି ବୋଲି ସେ ଶୁଣିବାକୁ ପାଇଥିଲା  । ତେଣୁ ସେ ରାମମନ୍ଦିର ନିର୍ମାଣ ସ୍ଥଳୀ ନିକଟକୁ ଆସି ସୁରକ୍ଷା କର୍ମୀଙ୍କୁ ବାବ୍ରି ମସଜିଦ କେଉଁଠି ଥିଲା ବୋଲି ପ୍ରଶ୍ନ କରିଥିଲା  । ତା’ର କଥାବାର୍ତା ଓ ଗତିବିଧି ସନେ୍ଦହଜନକ ଥିବାରୁ ତାକୁ ଅଟକ ରଖାଯାଇଥିବା ନେଇ ପୁଲିସ ପକ୍ଷରୁ କୁହାଯାଇଛି  ।
ଅନ୍ୟ ଏକ ସୂଚନା ଅନୁଯାୟୀ, ଯୁବକକୁ ବେଶ କିଛି ସମୟ ଜେରା କରାଯିବ  । ଯଦି ସେ କହୁôଥବା କଥା ସତ୍ୟ ହୋଇଥାଏ ତେବେ ଛାଡ଼ି ଦିଆଯିବ  । କିନ୍ତୁ କଥାରେ ତାଳମେଳ ନରହିଲେ ଅଧିକ ଅନୁସନ୍ଧାନ କରାଯିବ ବୋଲି ଖବର ପ୍ରକାଶ ପାଇଛି  ।

Powered by Froala Editor