ମମତାଙ୍କ ଉପରେ ୫ ଲକ୍ଷ ଜରିମାନା, କାହିଁକି ଜାଣନ୍ତୁ ?
କଲକାତା : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପରେ ବୁଧବାର କଲକାତା ଉଚ୍ଚନ୍ୟାୟାଳୟ ୫ ଲକ୍ଷ ଟଙ୍କା ଜରିମାନା ଧାର୍ଯ୍ୟ କରିଛନ୍ତି । ଉଚ୍ଚ ନ୍ୟାୟାଳୟ ବିଚାରପତି କୌଶିକ ଚନ୍ଦାଙ୍କୁ ହଟାଇବା ଲାଗି ମମତା ଆବେଦନ କରିଥିଲେ । ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ନିର୍ବାଚନ ବିଜୟକୁ ବିରୋଧ କରି ମମତା ରୁଜୁ କରିଥିବା ମାମଲାକୁ ବିଚାରପତି କୌଶିକ ଶୁଣାଣି କରୁଥିବା ବେଳେ ତାଙ୍କ ହଟାଇବା ଲାଗି ଆବେଦନ କରିଥିଲେ । ବିଚାରପତି କୌଶିକ ବିଜେପି ନେତାଙ୍କ ସହ ମିଳାମିଶା କରୁଥିବା ଅଭିଯୋଗ କରି ମମତା ଏପରି ଆବେଦନ କରିଥିଲେ । ମମତାଙ୍କ ଏପରି ଆବେଦନକୁ ନେଇ ବିଚାରପତି କୌଶିକ ତାଙ୍କ ଉପରେ ୫ ଲକ୍ଷ ଟଙ୍କା ଜରିମାନା ଧାର୍ଯ୍ୟ କରିବା ସହିତ ମାମଲାର ଶୁଣାଣିରୁ ଓହରି ଯାଇଛନ୍ତି । ଶୁଣାଣି ବେଳେ ବିଚାରପତି କୌଶିକ କହିଥିଲେ ଯେ ଜଣେ ବ୍ୟକ୍ତି କୌଣସି ରାଜନୈତିକ ଦଳ ପାଇଁ ମାମଲା ଲଢ଼ିବା ସ୍ୱାଭାବିକ କଥା । ତେବେ ସେ ଯେତେବେଳେ ଏକ ମାମଲାର ଶୁଣାଣି କରନ୍ତି ସେତେବେଳେ ସେ ନିରପେକ୍ଷତା ଅବଲମ୍ବନ କରିଥାନ୍ତି । ଏ କ୍ଷେତ୍ରରେ ଆର୍ଥିକ ଫାଇନା ଉଠି ନଥାଏ ।
Powered by Froala Editor
