ମଙ୍ଗଳବାର ଗାଜାରେ ଇସ୍ରାଏଲୀ ସେନା ଦ୍ୱାରା ବନ୍ଦ ହୋଇଥିବା ଯୁଦ୍ଧବିରତି ଆଲୋଚନା ମଧ୍ୟରେ  ଗାଜା ଷ୍ଟ୍ରିପ୍ ଉପରେ “ବଡ ଆକ୍ରମଣ” କରାଯିବାରୁ ଅତି କମରେ ୪୧୩ ଜଣଙ୍କର ମୃତ୍ୟୁ ଘଟିଛି। ଯାହା ଜାନୁଆରୀ ୧୯ ରେ ଯୁଦ୍ଧବିରତି ଆରମ୍ଭ ହେବା ପରଠାରୁ ଯୁଦ୍ଧବିଧ୍ୱସ୍ତ ଅଞ୍ଚଳରେ ସବୁଠାରୁ ବଡ଼ ଆକ୍ରମଣ। ଇସ୍ରାଏଲୀ ସେନା ସ୍ଥାନୀୟ ସମୟ ରାତି ୨:୩୦ ପୂର୍ବରୁ ଟେଲିଗ୍ରାମରେ କହିଥିଲା ଯେ, ଏହା ଏବଂ ଇସ୍ରାଏଲୀ ସୁରକ୍ଷା ସଂସ୍ଥା “ଗାଜା ଷ୍ଟ୍ରିପ୍ ରେ ହମାସ ଆତଙ୍କବାଦୀ ସଂଗଠନର ଆତଙ୍କବାଦୀ ଲକ୍ଷ୍ୟସ୍ଥଳ ଉପରେ ବ୍ୟାପକ ଆକ୍ରମଣ କରୁଛନ୍ତି।” ଏହାର କିଛି ସମୟ ପରେ, ହମାସ ଏକ ବିବୃତ୍ତିରେ କହିଛି ଯେ ଇସ୍ରାଏଲ ଗାଜା ଷ୍ଟ୍ରିପ୍ ରେ “ପୁଣି ଆକ୍ରମଣ ଆରମ୍ଭ କରିଛି”।

ଉତ୍ତର ଗାଜା, ଗାଜା ସହର ଏବଂ କେନ୍ଦ୍ରୀୟ ଏବଂ ଦକ୍ଷିଣ ଗାଜା ଷ୍ଟ୍ରିପର ଦେୟାର ଅଲ-ବାଲାହ, ଖାନ ୟୁନିସ ଏବଂ ରାଫା ସମେତ ଅନେକ ସ୍ଥାନରେ ବିସ୍ଫୋରଣ ଶୁଣାଯାଇଥିଲା। ଏହି ଆକ୍ରମଣର ଭିଡିଓ ସୋସିଆଲ ମିଡିଆରେ ଘୁରି ବୁଲୁଛି। ଗାଜା ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଗାଜାରେ ଇସ୍ରାଏଲୀ ଆକ୍ରମଣର ଲହରୀରେ ଅତି କମରେ 100 ପାଲେଷ୍ଟାଇନୀ ମୃତ୍ୟୁ ବରଣ କରିଛନ୍ତି, ସେମାନଙ୍କ ମଧ୍ୟରେ ଅନେକଶିଶୁ ଓ ମହିଳା ପ୍ରାଣ ହରାଇଛନ୍ତି।

ଇସ୍ରାଏଲ ପ୍ରତିରକ୍ଷା ବାହିନୀ (IDF), ମଙ୍ଗଳବାର ସକାଳେ X ରେ ଏକ ପୋଷ୍ଟରେ କହିଛି ଯେ ଏହା ସରକାରଙ୍କ ନିର୍ଦ୍ଦେଶ ଅନୁଯାୟୀ “ଗାଜା ଷ୍ଟ୍ରିପରେ ହମାସ ଆତଙ୍କବାଦୀ ସଂଗଠନ ସହିତ ଜଡିତ ଆତଙ୍କବାଦୀ ଲକ୍ଷ୍ୟସ୍ଥଳ ଉପରେ ବ୍ୟାପକ ଆକ୍ରମଣ କରୁଛି”।

Powered by Froala Editor