ଦିଲ୍ଲୀର ନୂଆ ମୁଖ୍ୟମନ୍ତ୍ରୀ ରେଖା ଗୁପ୍ତା ଏବଂ ସମସ୍ତ ମନ୍ତ୍ରୀ କେଉଁଠି ରହିବେ ସେ ବିଷୟରେ ପିଡବ୍ଲୁଡି ବିଭାଗର ଅଧିକାରୀଙ୍କ ଚୂଡ଼ାନ୍ତ କାର୍ଯ୍ୟ ଶେଷ ହେବାକୁ ଯାଉଛି । ଦିଲ୍ଲୀ ପବ୍ଲିକ ୱାର୍କସ ଡିପାର୍ଟମେଣ୍ଟ (PWD) ଅନୁଯାୟୀ, ନୂଆ ମୁଖ୍ୟମନ୍ତ୍ରୀଙ୍କ ପାଇଁ ତିନି-ଚାରୋଟି ବଙ୍ଗଳାକୁ ସର୍ଟଲିଷ୍ଟ କରାଯାଇଛି। ମୁଖ୍ୟମନ୍ତ୍ରୀ ରେଖା ଗୁପ୍ତା ଏହି ତିନି କିମ୍ବା ଚାରୋଟି ବଙ୍ଗଳା ମଧ୍ୟରୁ ଗୋଟିଏରେ ରହିବେ।

ତେବେ କୌଣସି ବଙ୍ଗଳାକୁ ନେଇ ମୁଖ୍ୟମନ୍ତ୍ରୀଙ୍କ ପକ୍ଷରୁ ଏପର୍ଯ୍ୟନ୍ତ କୌଣସି ସହମତି ହୋଇନାହିଁ । କିନ୍ତୁ ଏହା ସ୍ପଷ୍ଟ ଯେ ଚୂଡ଼ାନ୍ତ ହୋଇଥିବା ଏସବୁ ବଙ୍ଗଳା ମଧ୍ୟରେ କେଜ୍ରିଓ୍ବାଲଙ୍କ କୁଖ୍ୟାତ ଶୀଶ ମହଲ ନାହିଁ । ଅର୍ଥାତ୍ ମୁଖ୍ୟମନ୍ତ୍ରୀ ରେଖା ଗୁପ୍ତା ଶୀଶ ମହଲରେ ରହିବେ ନାହିଁ । ତେବେ ଦିଲ୍ଲୀର ନୂଆ ମୁଖ୍ୟମନ୍ତ୍ରୀ ସମ୍ଭବତଃ ସିଭିଲ ଲାଇନ୍ସ ବଙ୍ଗଳାରେ ରହିବେ। କାରଣ, ବିଧାନସଭା ସହିତ ଉପରାଜ୍ୟପାଳଙ୍କ ବାସଭବନ ଏହି ବଙ୍ଗଳାର ବହୁତ ନିକଟରେ ଅବସ୍ଥିତ।

ରେଖା ଗୁପ୍ତା ଦିଲ୍ଲୀର ମୁଖ୍ୟମନ୍ତ୍ରୀ ହେବା ମାତ୍ରେ ତାଙ୍କୁ Z ବର୍ଗର ସୁରକ୍ଷା ମିଳିଛି। ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଏବଂ ଆତିଶୀଙ୍କୁ ମଧ୍ୟ ସମାନ ସୁରକ୍ଷା ଦିଆଯାଇଥିଲା। ଯଦି ପିଡବ୍ଲୁଡି ଅଧିକାରୀଙ୍କ କଥା ବିଶ୍ୱାସ କରାଯାଏ, ତେବେ ବହୁତ ଶୀଘ୍ର ନୂଆ ମୁଖ୍ୟମନ୍ତ୍ରୀ ଏବଂ ମନ୍ତ୍ରୀମାନଙ୍କୁ ସରକାରୀ ବାସଗୃହ ବଣ୍ଟନ କରାଯିବ। 

Powered by Froala Editor