ଫିଲ୍ମ ‘ଛାୱା’ ବକ୍ସ ଅଫିସରେ ଧମାଲ କରୁଛି। ଦର୍ଶକେ ଫିଲ୍ମକୁ ବେଶ ପସନ୍ଦ କରୁଥିବାରୁ ସିନେମାହଲ୍‌ଗୁଡ଼ିକ ହାଉସ୍‌ଫୁଲ ଯାଉଛି। ଏହି କ୍ରମରେ ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଫିଲ୍ମକୁ ପ୍ରଶଂସାରେ ପୋତିଛନ୍ତି। ଏହାକୁ ନେଇ ବିକ୍କି ମୋଦିଙ୍କୁ ଧନ୍ୟବାଦ ଜଣାଇଛନ୍ତି। ଭିକ୍କି କୋଶଲଙ୍କର ସବୁଠୁ ଭଲ ରୋଜଗାର ଫିଲ୍ମ ସାଜିଛି ‘ଛାୱା’।

ରିପୋର୍ଟ ମୁତାବକ, ଭିକ୍କି କୌଶଲଙ୍କ ଛାୱା ଦ୍ୱିତୀୟ ଶନିବାରରେ ୪୫ କୋଟି ରୋଜଗାର କରିଛି। ଏହି ଫିଲ୍ମ ନବମ ଦିନରେ ୨୮୭.୭୫ କୋଟିରେ ପାଦ ଥାପିଛି। ଛାୱା ଫିଲ୍ମ ପୁଷ୍ପା-୨ର ରେକର୍ଡକୁ ଭାଙ୍ଗିଦେଇଛି। ପୁଷ୍ପା ନବମ ଦିନରେ ୩୬.୪ କୋଟି ଟଙ୍କା ରୋଜଗାର କରିଥିଲା। ଛାୱା ନବମ ଦିନରେ ୪୫ କୋଟି ଟଙ୍କା ରୋଜଗାର କରିଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ନୂଆଦିଲ୍ଲୀ ୯୮ ଅଖିଳ ଭାରତୀୟ ମରାଠୀ ସାହିତ୍ୟ ସମ୍ମିଳନୀର ଉଦ୍‌ଘାଟନ କରିଛନ୍ତି। ଏହି ଅବସରରେ ସେ ଫିଲ୍ମ ‘ଛାବା’ର ପ୍ରଶଂସା କରି କହିଥିଲେ, ଏବେ ଫିଲ୍ମ ‘ଛାବା’ ହୃଦୟ ଜିତୁଛି। କହିବାକୁ ଗଲେ ମହରାଷ୍ଟ୍ର ଏବଂ ମୁମ୍ବାଇ, ଯାହା ମରାଠୀ ସହ ହିନ୍ଦୀ ସିନେମାକୁ ନୂଆ ଦିଗ ଦେଇଛି। ଶିବାଜୀ ସାବନ୍ତଙ୍କ ମରାଠୀ ଉପନ୍ୟାସରୁ ସମ୍ଭାଜୀ ମହାରାଜଙ୍କ ବୀରତାର ପରିଚୟ ବିକ୍କିଙ୍କ ରୂପରେ ଦେଖିବାକୁ ମିଳୁଛି ବୋଲି ସେ କହିଛନ୍ତି। ତେବେ ପ୍ରଧାନମନ୍ତ୍ରୀଙ୍କଠାରୁ ପ୍ରଶଂସା ଶୁଣି ବିକ୍କି ସୋସିଆଲ ମିଡିଆରେ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ବୋଲି ଲେଖିଛନ୍ତି।

Powered by Froala Editor