ପ୍ରଖ୍ୟାତ ଫିଲ୍ମ ନିର୍ଦ୍ଦେଶକ ଶ୍ୟାମ ବେନେଗଲଙ୍କ ପରଲୋକ ଘଟିଛି । ୯୦ ବର୍ଷ ବୟସରେ ଶ୍ୟାମ ବେନେଗଲଙ୍କ ପରଲୋକ ଘଟିଛି । ସେ ଦୀର୍ଘ ଦିନ ଧରି ଅସୁସ୍ଥ ଥିଲେ ମଧ୍ୟ ବିଭିନ୍ନ ଚଳଚ୍ଚିତ୍ର ପ୍ରକଳ୍ପରେ କାମଥିଲେ। ଅଙ୍କୁର, ନିଶାନ୍ତ, ମନ୍ଥନ, ଭୂମିକା, ମଣ୍ଡି ତାଙ୍କର ପ୍ରସିଦ୍ଧ ଚଳଚ୍ଚିତ୍ର । ତାଙ୍କ ପରଲୋକରେ ସିନେମା ଜଗତରେ ଦୁଃଖର ଲହରୀ ଖେଳିଯାଇଛି ।

ଶ୍ୟାମ ବେନେଗାଲଙ୍କ ଝିଅ ପିଆ ବେନେଗାଲ ସୂଚନା ଦେଇଛନ୍ତି ଯେ ଶ୍ୟାମଙ୍କର ମୁମ୍ବାଇ ସେଣ୍ଟ୍ରାଲର ୱାକାର୍ଟ ହସ୍ପିଟାଲରେ ଦେହାନ୍ତ ହୋଇଛି । ତାଙ୍କ ପିତା ଦୀର୍ଘଦିନ ଧରି କିଡନୀ ରୋଗରେ ପୀଡ଼ିତ ଥିଲେ ଏବଂ ସେ ଏହି ରୋଗର ଶେଷ ପର୍ଯ୍ୟାୟରେ ପହଞ୍ଚିଥିଲେ । ଖୁବଶୀଘ୍ର ଅନ୍ତିମ ସଂସ୍କାର ସମୟରେ ନିଷ୍ପତ୍ତି ନିଆଯିବ। କିଛିଦିନ ତଳେ ଶ୍ୟାମ ବେନେଗାଲ ଏକ ସାକ୍ଷାତକାରରେ କହିଥିଲେ ଯେ ତାଙ୍କର ଉଭୟ କିଡନୀ ଫେଲ୍ ହୋଇଯାଇଛି ଏବଂ ସେ ଘରେ ଡାଏଲିସିସ୍ ଚାଲିଥିଲା।

ଶ୍ୟାମ ବେନେଗାଲଙ୍କ ଚଳଚ୍ଚିତ୍ର ୮ଟି ଜାତୀୟ ପୁରସ୍କାର ଜିତିଥିଲା । ସେ ଜୁବେଇଦା, ଦ ମେକିଂ ଅଫ୍ ଦି ମହାତ୍ମା, ନେତାଜୀ ସୁଭାଷ ଚନ୍ଦ୍ର ବୋଷ: ଦି ଫରଗଟେନ ହିରୋ, ମଣ୍ଡି, ଅରୋହନ, ୱେଲକମ ଟୁ ସଜ୍ଜନପୁର ଭଳି ଅନେକ ଚଳଚ୍ଚିତ୍ର ନିର୍ମାଣ କରିଛନ୍ତି । ବେନେଗାଲଙ୍କୁ ଦାଦା ସାହେବ ଫାଲକେ ପୁରସ୍କାର ମଧ୍ୟ ମିଳିଛି ।

Powered by Froala Editor