ବିଜେପିରେ ଯୋଗଦେବେ କି ଛଗନ ଭୁଜବଳ
ମହାରାଷ୍ଟ୍ରର ନୂତନ ମହାୟୁତି ସରକାରରେ ଅନ୍ତର୍ଭୁକ୍ତ ନ ହେବା ନେଇ ବରିଷ୍ଠ ଜାତୀୟତାବାଦୀ କଂଗ୍ରେସ ପାର୍ଟି (ଏନସିପି) ନେତା ଛଗନ ଭୁଜବଳ ସୋମବାର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ଙ୍କୁ ଭେଟିଛନ୍ତି। ବୈଠକ ପରେ ତାଙ୍କର ପରବର୍ତ୍ତୀ ପଦକ୍ଷେପ ବିଷୟରେ ଖୁବ୍ ଆଲୋଚନା ହେଉଛି। କଳ୍ପନା ଆରମ୍ଭ ହେଉଛି ଯେ ଭୁଜବଲ ବିଜେପିରେ ଯୋଗ ଦେଇପାରନ୍ତି।
ମୁମ୍ବାଇର ସାଗର ବଙ୍ଗଳାଠାରେ ପ୍ରାୟ ଅଧ ଘଣ୍ଟା ଧରି ତାଙ୍କ ସହ ହୋଇଥିବା ମୁଖ୍ୟମନ୍ତ୍ରୀଙ୍କ ବୈଠକ ସମୟରେ ପୂର୍ବତନ ମନ୍ତ୍ରୀ ଭୁଜବଳ ତାଙ୍କ ପୁତୁରା ସମୀର ଭୁଜବଳଙ୍କ ସହ ଥିଲେ। ତେବେ ଫଡନାଭିସ୍ଙ୍କୁ ଭେଟିବା ପରେ ଛଗନ ଭୁଜବଳ ବିଜେପିରେ ଯୋଗଦେବା ନେଇ କଳ୍ପନାଜଳ୍ପନା ଆରମ୍ଭ ହୋଇଛି।
ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ଙ୍କ ସହ ତାଙ୍କର ବୈଠକ ନେଇ ପ୍ରଶ୍ନର ଉତ୍ତରରେ ବରିଷ୍ଠ ଏନସିପି ନେତା ଭୁଜବଳ କହିଛନ୍ତି, ଫଡନାଭିସ୍ ମୋତେ କହିଥିଲେ ଯେ, ବିଧାନସଭା ନିର୍ବାଚନରେ ମହାୟୁତିର ବିଜୟରେ ଅନ୍ୟ ପଛୁଆ ବର୍ଗ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି ଏବଂ ସେ ଓବିସି ସମ୍ପ୍ରଦାୟର ସ୍ୱାର୍ଥ ପ୍ରତି ଧ୍ୟାନ ଦେବେ। ଓବିସି ସମ୍ପ୍ରଦାୟର ସ୍ବାର୍ଥ ଯେପରି ପ୍ରଭାବିତ ହେବ ନାହିଁ ସେଥିପ୍ରତି ଦୃଷ୍ଟି ଦେବାକୁ ମୁଖ୍ୟମନ୍ତ୍ରୀ କହିଛନ୍ତି।
Powered by Froala Editor
