ବିକ୍ରାନ୍ତ ମେସିଙ୍କ ଅଭିନୀତ ଚଳଚ୍ଚିତ୍ର 'ଦ ସାବରମତି ରିପୋର୍ଟ'କୁ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଫିଲ୍ମକୁ ପ୍ରଶଂସା କରିଥିଲେ। ବର୍ତ୍ତମାନ ଗୃହମନ୍ତ୍ରୀ ଅମିତ ଶାହ ପ୍ରଶଂସା କରିଛନ୍ତି। ଏହି ଚଳଚ୍ଚିତ୍ର ୨୦୦୨ ମସିହାର ବହୁ ଚର୍ଚ୍ଚିତ ଗୋଧ୍ରା ଘଟଣା ଉପରେ ଆଧାରିତ। ଭାରତ ରାଜନୀତିରେ ବଡ଼ ବିବାଦୀୟ ଘଟଣା ମଧ୍ୟରୁ ଗୋଟିଏ ହେଉଛି ଗୋଧ୍ରା ଘଟଣା।

ପ୍ରଧାନମନ୍ତ୍ରୀ ମୋଦି ‘ସାବରମତି ରିପୋର୍ଟ’କୁ ପ୍ରଶଂସା କରି ଏକ୍ସରେ ଲେଖିଥିଲେ, ଏହା ଭଲ ଯେ ଏହି ସତ୍ୟ ବାହାରକୁ ଆସୁଛି ଏବଂ ଏହା ମଧ୍ୟ ଏପରି ଅଟେ ଯେ ସାଧାରଣ ଲୋକମାନେ ଏହାକୁ ଦେଖିପାରିବେ। ଏକ ନକଲି କାହାଣୀ କେବଳ ସୀମିତ ସମୟ ପାଇଁ ରହିପାରେ। ପରିଶେଷରେ, ତଥ୍ୟଗୁଡିକ ସର୍ବଦା ଉଭା ହେବ। ଏହି କ୍ରମରେ ଗୃହମନ୍ତ୍ରୀ ଅମିତ ଶାହ ମଧ୍ୟ ଏହି ଫିଲ୍ମକୁ ନିଜର ସମର୍ଥନ ଜଣାଇ ଏକ୍ସରେ ଏକ ପୋଷ୍ଟ ଶେୟାର କରିଛନ୍ତି।

ପ୍ରକାଶ ଥାଉ, ୨୭ ଫେବୃଆରୀ ୨୦୦୨ରେ ଘଟିଥିବା ଗୋଧ୍ରା ଅଗ୍ନିକାଣ୍ଡ ଘଟଣା ଉପରେ ଚଳଚ୍ଚିତ୍ର ‘ଦ ସାବରମତି ରିପୋର୍ଟ’ ଆଧାରିତ। ଅଯୋଧ୍ୟାରୁ ଫେରୁଥିବା ସାବରମତି ଏକ୍ସପ୍ରେସରେ ଯାତ୍ରା କରୁଥିବା କର ସେବାୟତଙ୍କ ବଗିରେ ଗୁଜରାଟର ଗୋଧ୍ରାଠାରେ ନିଆଁ ଲଗାଇ ଦିଆଯାଇଥିଲା। ଏହି ହୃଦୟବିଦାରକ ଘଟଣାରେ ୫୯ ଜଣଙ୍କର ମୃତ୍ୟୁ ଘଟିଥିଲା। ‘ଦ ସାବରମତି ରିପୋର୍ଟ’ ଚଳଚ୍ଚିତ୍ରରେ ବିକ୍ରାନ୍ତ ମେସି ଜଣେ ସାମ୍ବାଦିକଙ୍କ ଭୂମିକାରେ ଅଭିନୟ କରିଛନ୍ତି। 

Powered by Froala Editor