ଜାତୀୟ ପ୍ରେସ ଦିବସ: ରାଜ୍ୟପାଳ, ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀଙ୍କ ଶୁଭେଚ୍ଛା
ଭୁବନେଶ୍ବର: ଜାତୀୟ ପ୍ରେସ ଦିବସ ଅବସରରେ ଆଜି ରାଜ୍ୟପାଳ, ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀ ଶୁଭେଚ୍ଛା ଜଣାଇଛନ୍ତି। ରାଜ୍ୟପାଳ ରଘୁବର ଦାସ ଶୁଭେଚ୍ଛା ଜଣାଇ ସାମାଜିକ ଗଣମାଧ୍ୟମ ଏକ୍ସ’ରେ କହିଛନ୍ତି ଯେ, ପ୍ରେସର ସ୍ୱାଧୀନତାରୁ ଗଣତନ୍ତ୍ର ସୁଦୃଢ ହୋଇଥାଏ। ଆମେ ଏଥିପାଇଁ ପ୍ରତିବଦ୍ଧ ଅଟୁ।
ଜାତୀୟ ପ୍ରେସ ଦିବସର ଶୁଭେଚ୍ଛା ଜଣାଇ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଛନ୍ତି ଯେ, ଜାତୀୟ ପ୍ରେସ ଦିବସ ଅବସରରେ ଅନେକ ଆହ୍ୱାନ ସତ୍ୱେ ସତ୍ୟକୁ ବାହାରକୁ ଆଣିବାକୁ ଉତ୍ସଗୀକୃତ କାର୍ଯ୍ୟ କରୁଥିବା ସାମ୍ବାଦିକଙ୍କୁ ଆମେ ସାଲ୍ୟୁଟ କରୁଛୁ। ସେହିପରି ଉପମୁଖ୍ୟମନ୍ତ୍ରୀ କେଭି ସିଂହଦେଓ ଗଣତନ୍ତ୍ରର ଆତ୍ମାକୁ ବଜାୟ ରଖିବାରେ ସାମ୍ବାଦିକମାନଙ୍କର ନିରନ୍ତର ଉଦ୍ୟମ ପାଇଁ ପ୍ରେସ୍ ଏବଂ ମିଡିଆ ବ୍ୟକ୍ତିତ୍ୱମାନଙ୍କୁ କୃତଜ୍ଞତା ଜଣାଇଛନ୍ତି।
ମନ୍ତ୍ରୀ ସୂର୍ଯ୍ୟବଂଶୀ ସୂରଜ ଜାତୀୟ ପ୍ରେସ ଦିବସର ଶୁଭେଚ୍ଛା ଜଣାଇଛନ୍ତି। ସାମାଜିକ ଗଣମାଧ୍ୟମରେ ସେ ସମସ୍ତ ପତ୍ରକାର ଓ ସାମ୍ବାଦିକତା କ୍ଷେତ୍ରରେ କାର୍ଯ୍ୟରତ ବ୍ୟକ୍ତିତ୍ୱଙ୍କୁ ଶୁଭେଚ୍ଛା ଜଣାଇ ସମାଜ କଲ୍ୟାଣ ପାଇଁ ଆଗାମୀ ଦିନରେ ନିରପେକ୍ଷ ସ୍ୱର ଆହୁରି ଶାଣିତ ହେଉ ବୋଲି କାମନା କରିଛନ୍ତି।
Powered by Froala Editor
