ପୁଣି ଫେରୁଛି ଲୋକପ୍ରିୟ ଟିଭି ଧାରାବାହିକ 'ଶକ୍ତିମାନ'। ୧୯୯୭ ମସିହାରୁ ଆରମ୍ଭ ହୋଇ ପ୍ରାୟ ୮ ବର୍ଷ ଧରି ପ୍ରସାରିତ ହୋଇଥିବା ଏହି ଧାରାବାହିକ ଦେଶର ଘରେ ଘରେ ପରିଚିତ। ଶକ୍ତିମାନ ଚରିତ୍ରରେ ଅଭିନୟ କରି ଲୋକପ୍ରିୟ ହୋଇଥିବା ମୁକେଶ ଖାନ୍ନା ଏବେ ତାଙ୍କ ଶୋ'ର ପୁନଃ ଆରମ୍ଭ ନେଇ ଘୋଷଣା କରିଛନ୍ତି।

‘ଶକ୍ତିମାନ’ ଧାରାବାହିକକୁ ନେଇ ଅନେକ ବର୍ଷ ପର୍ଯ୍ୟନ୍ତ ଟିଭି ଜଗତରେ ରାଜ୍ କରିଥିଲେ ମୁକେଶ ଖାନ୍ନା । ୯୦ ଦଶକରେ ଲୋକମାନଙ୍କର ଅତି ପସନ୍ଦର ଶୋ’ ପାଲଟିଥିଲା ‘ଶକ୍ତିମାନ’ । ପିଲାବେଳର ସେହି ସୁପରମ୍ୟାନ୍ ଏବେ ପୁଣିଥରେ ଛୋଟ ପରଦାକୁ ଫେରିବାକୁ ଯାଉଛି । ଦର୍ଶକଙ୍କ ଡିମାଣ୍ଡକୁ ଦୃଷ୍ଟିରେ ରଖି ଏକ ବଡ଼ ଖୁସି ଖବର ଦେଇଛନ୍ତି ‘ଶକ୍ତିମାନ’ ମୁକେଶ ଖାନ୍ନା । ଦୀର୍ଘ ବର୍ଷ ପରେ ଶକ୍ତିମାନର ଏକ ଟିଜର ଜାରି କରିଛନ୍ତି ମୁକେଶ । ଏହାପରେ ଛୋଟ ପରଦାକୁ ‘ଶକ୍ତିମାନ’ର କମବ୍ୟାକ ନେଇ ଆଶା ବୃଦ୍ଧି ପାଇଛି ।

ମୁକେଶ ଖାନ୍ନା ନିଜ ଇନଷ୍ଟାଗ୍ରାମ ଓ ୟୁଟ୍ୟୁବ୍ ପେଜରେ ଏକ ଟିଜର ଓ ପୋଷ୍ଟର ଶେୟାର କରି 'ଶକ୍ତିମାନ'ର ବହୁପ୍ରତୀକ୍ଷିତ ପ୍ରତ୍ୟାବର୍ତ୍ତନ ଘୋଷଣା କରିଛନ୍ତି। ଏହି ପୋଷ୍ଟର କ୍ୟାପସନରେ ସେ ଲେଖିଛନ୍ତି, 'ବର୍ତ୍ତମାନ ତାଙ୍କ ଫେରିବାର ସମୟ ଆସିଛି.. ଆମର ପ୍ରଥମ ଭାରତୀୟ ସୁପର ଶିକ୍ଷକ- ସୁପର ହିରୋ.. ଯେହେତୁ ଆଜିକାଲିର ପିଲାଙ୍କୁ ଅନ୍ଧକାର ଏବଂ ଆସୁରୀକ ଶକ୍ତି କବଳ କରିଛି, ତେଣୁ ତାଙ୍କୁ ପ୍ରତ୍ୟାବର୍ତ୍ତନର ସମୟ ଆସିଛି.. ସେ ଏକ ବାର୍ତ୍ତା ନେଇ ଫେରୁଛନ୍ତି.. ।'

ଏହି ଟିଜର ରିଲିଜ ହେବା ମାତ୍ରେ ପ୍ରଶଂସକମାନେ ଏହାକୁ ବହୁ ମାତ୍ରାରେ ପସନ୍ଦ କରିଛନ୍ତି। ଅନେକ ୟୁଜର୍ସ କମେଣ୍ଟ ଜରିଆରେ ନିଜ ଉତ୍ସାହ ପ୍ରକାଶ କରିଛନ୍ତି।

Powered by Froala Editor