ହୃଦ୍‌ଘାତରେ ଫିଲ୍ମ ମେକର ରାଜ କୌଶଲଙ୍କ ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୪୯ ବର୍ଷ ବୟସ ହୋଇଥିଲା । ରାଜଙ୍କ ଜଣେ ଘନିଷ୍ଠ ବନ୍ଧୁ ଏନେଇ ସୂଚନା ଦେଇଛନ୍ତି । ସେ ଜଣେ ଜଣାଶୁଣା ଫିଲ୍ମ ମେକର ସହିତ ଅଭିନେତ୍ରୀ ମନ୍ଦିରା ବେଦୀଙ୍କ ସ୍ୱାମୀ । ରାଜଙ୍କ ମୃତ୍ୟୁରେ ସେ ପୂରା ଭାଙ୍ଗି ପଡିଛନ୍ତି । ତେବେ ରାଜଙ୍କ ମୃତ୍ୟୁରେ ପୂରା ବଲିଉଡ ଇଣ୍ଡଷ୍ଟ୍ରୀରେ ଶୋକ ଖେଳିଯାଇଛି । 

ମୁକୁଲ ଆନନ୍ଦଙ୍କ ଘରେ ରାଜ କୌଶଲ ସହ ମନ୍ଦିରାଙ୍କ ପ୍ରଥମ ସାକ୍ଷାତ ହୋଇଥିଲା । ମନ୍ଦିରା ସେଠାକୁ ଅଡିସନରେ ଦେବାକୁ ଯାଇଥିଲେ । ଯେତେବେଳେ ରାଜ ମୁକୁଲ ଆନନ୍ଦଙ୍କ ସହକାରୀ ଭାବରେ କାର୍ଯ୍ୟ କରୁଥିଲେ ସେବେଠୁ ଆରମ୍ଭ ହୋଇଥିଲା ଦୁହିଁଙ୍କ ଲଭ୍‌ଷ୍ଟୋରୀ । ୧୪ ଫେବୃଆରୀ ୧୯୯୯ ରେ ମନ୍ଦିରା ରାଜ କୌଶଲଙ୍କୁ ବିବାହ କରିଥିଲେ ରାଜ । ମନ୍ଦିରାଙ୍କ ବର୍ତ୍ତମାନ ଦୁଇଟି ଛୁଅ ଅଛନ୍ତି । ରାଜ ଚାଲିଯିବା ପରେ ମନ୍ଦିରା ଏକା ହୋଇଯାଇଥିବା କହିଛନ୍ତି । ରାଜଙ୍କ ସ୍ଥାନ ସବୁବେଳେ ଅପୂରଣୀୟ । ରାଜଙ୍କ ଆଦର୍ଶରେ ଅନୁପ୍ରାଣୀତ ହୋଇ ରହିବେ ବୋଲି କହିଛନ୍ତି ।

ସୂଚନା ମୁତାବକ, ବୁଧବାର ସକାଳେ ରାଜ କୌଶଲଙ୍କ ଛାତିରେ ଯନ୍ତ୍ରଣା ହୋଇଥିଲା । ମାତ୍ର ପରିବାର ଲୋକେ ହସ୍ପିଟାଲ ନେବା ପୂର୍ବରୁ ହିଁ ତାଙ୍କର ହୃଦ୍‌ଘାତରେ  ମୃତ୍ୟୁ ହୋଇଥିଲା । ତାଙ୍କ ମୃତ୍ୟୁ ଖବର ଶୁଣି ବଲିଉଡର ଅନେକ ସେଲେବ୍ରିଟି ଶୋକ ପ୍ରକାଶ କରିଛନ୍ତି । 

ରାଜ ଜଣେ ଅଭିନେତା ଭାବରେ ନିଜର କ୍ୟାରିୟର୍ ଆରମ୍ଭ କରିଥିଲେ । ସେ ତାଙ୍କ କ୍ୟାରିୟରରେ ପ୍ୟାର ମେଁ କଭି କଭି, ଶାଦୀ କା ଲଡୁ ଏବଂ ଆନ୍ଥୋନୀ କୌନ ହୈ, ଭଳି ତିନୋଟି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ।

Powered by Froala Editor