ଦେଶରେ ୪୦,୮୪୫ କଳା କବକ ଆକ୍ରାନ୍ତ ଚିହ୍ନଟ
ନୂଆଦିଲ୍ଲୀ : ଦେଶରେ ବର୍ତ୍ତମାନ ସୁଦ୍ଧା ୪୦,୮୪୫ ଜଣ କଳା କବକ (ବ୍ଲାକ ଫଙ୍ଗସ) ରେ ଆକ୍ରାନ୍ତ ହୋଇଥିବା କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡାକ୍ତର ହର୍ଷ ବର୍ଦ୍ଧନ ସୋମବାର କହିଛନ୍ତି । ଚିହ୍ନଟ ହୋଇଥିବା ଏହି ଆକ୍ରାନ୍ତଙ୍କ ମଧ୍ୟରୁ ୩୧,୩୪୪ ଜଣଙ୍କ ଆଖି, ନାକ ଓ ମସ୍ତିଷ୍କରେ କଳା କବଚ ସଂକ୍ରମଣ ହୋଇଛି । ଏହି ସଂକ୍ରମଣରେ ୩,୧୨୯ ଜଣଙ୍କର ମୃତୁ୍ୟ ହେଲାଣି ବୋଲି ସେ କହିଛନ୍ତି । କୋଭିଡ-୧୯ ସମ୍ପର୍କିତ ଉଚ୍ଚସ୍ତରୀୟ ମନ୍ତ୍ରୀଗୋଷ୍ଠୀ ବୈଠକରେ ଅଧ୍ୟକ୍ଷତା କରି ହର୍ଷ ବର୍ଦ୍ଧନ କହିଛନ୍ତି ଯେ କଳା କବଚ ସଂକ୍ରମିତଙ୍କ ମଧ୍ୟରୁ ୧୩,୦୮୩ ଜଣଙ୍କ ବୟସ ୧୮ ରୁ ୪୫ ବର୍ଷ ହୋଇଥିବା ବେଳେ ୧୭,୪୬୪ ଜଣଙ୍କ ବୟସ ୪୫ ରୁ ୬୦ ବର୍ଷ, ୧୦,୦୮୨ ଜଣଙ୍କ ବୟସ ୬୦ ରୁ ଅଧିକ । କଳା କବଚ ସଂକ୍ରମିତଙ୍କ ମଧ୍ୟାୂ ୩୪,୯୪୦ କରୋନା ଆକ୍ରାନ୍ତ ଥିବା ସେ କହିଛନ୍ତି । ମୋଟ ଟିକାକରଣ କ୍ଷେତ୍ରରେ ଆମେରିକାକୁ ଭାରତ ଅତିକ୍ରମ କରିଛି । ସୋମବାର ସକାଳ ସୁଦ୍ଧା ଦେଶରେ ୩୨ କୋଟି ୩୬ ଲକ୍ଷରୁ ଅଧିକ ପାନ ଟିକାକରଣ କରାଯାଇଛି ।
Powered by Froala Editor
