କନଷ୍ଟେବଳଙ୍କ ପାପୁଲି ଛିଣ୍ଡାଦେଲେ ଦୁର୍ବୃତ୍ତ
ସମ୍ବଲପୁର: କନଷ୍ଟେବଳଙ୍କୁ ହାଣିଲେ । କେବଳ ସେତକ ନୁହେଁ ହାଣି ପାପୁଲି ଛିଣ୍ଡାଦେଲେ । ସମ୍ବଲପୁର ବୁର୍ଲା ଥାନା ଝରାପାଲି ଗ୍ରାମରେ ଏହି ଅଭାବନୀୟ ଘଟଣା ଘଟିଛି । ଝରାପାଲି ଗ୍ରାମରେ ଦୁର୍ବୃତ୍ତ ପୁଲିସ ଉପରେ ଅତର୍କିତ ଆକ୍ରମଣ କରିଛନ୍ତି । ଏକ ଗଣ୍ଡଗୋଳ ଘଟଣାର ତଦନ୍ତ ପାଇଁ ଯାଇଥିବାବେଳେ ପୁଲିସ ଉପରେ ଆକ୍ରମଣ ହୋଇଛି । ଏହି ଅବସରରେ କନଷ୍ଟେବଳ ସରୋଜ ଭୋଇ ଗୁରୁତର ଆହତ ହୋଇ ବୁର୍ଲା ମେଡିକାଲରେ ଭର୍ତ୍ତି ହୋଇଛନ୍ତି ।
ଏଠାରେ ଉଲ୍ଲେଖ ଯୋଗ୍ୟ ଯେ ଏହା ପୂର୍ବରୁ ଖୋଦ ରାଜଧାନୀ ଭୁବନେଶ୍ୱରରେ ତଦନ୍ତ ପାଇଁ ଯାଇଥିବା ଜଣେ ପିସିଆର କର୍ମଚାରୀଙ୍କୁ ଛୁରାମାଡ଼ କରାଯାଇଥିଲା । ମଞ୍ଚେଶ୍ୱର ଥାନା ଚକେଇସିଆଣିସ୍ଥିତ ଶ୍ରୀରାମନଗରରେ ଏହି କାଣ୍ଡ ଘଟିଥିଲା । ଗାଡ଼ି ହର୍ଣ୍ଣମରାକୁ ନେଇ ଏକ ଗଣ୍ଡଗୋଳ ଘଟିଥିଲା । ଏନେଇ ଖବର ପାଇ ପିସିଆର କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ । ତେବେ ପୁଲିସ ପହଞ୍ଚିବା କ୍ଷଣି ଦୁର୍ବୃତ୍ତଜଣକ ପୁଲିସକୁ ଛୁରାମାଡ଼ କରିଥିଲା । ଛୁରାମାଡ଼ରେ ଜଣେ ପୁଲିସ କନଷ୍ଟେବଳ ଆହତ ହୋଇଥିବା ଜଣାଯାଇଛି ।
Powered by Froala Editor
