ତ୍ରୁଣମୂଳ କଂଗ୍ରେସ ସାଂସଦ ତଥା ଅଭିନେତ୍ରୀ ନୁସରତ ଜାହାଁ ଏବେ  ପୁଣି ଚର୍ଚ୍ଚାର ବିଷୟ ପାଲଟିଛନ୍ତି । ନୁସରତ ସର୍ବଦା ସୋଶିଆଲ୍ ମିଡିଆରେ ବେଶ୍ ଆକ୍ଟିଭ ରହିଥାନ୍ତି । ତାଙ୍କର ଆଉ ଏକ ନୂଆ ଫଟୋ ସୋଶିଆଲ୍ ମିଡିଆରେ ଭାଇରାଲ୍ ହୋଇଛି । ଏହି ସୁନ୍ଦରୀ ସାଂସଦ ନିଜ ଇନଷ୍ଟାଗ୍ରାମରେ ଏଭଳି ଏକ ଫଟୋ ସେୟାର କରିଛନ୍ତି ଯେଉଁଥିରେ ସେ ନିଜ ବେବି ବମ୍ପକୁ ଦେଖାଇଛନ୍ତି । ଯାହାକି ବେଶ୍ ଚର୍ଚ୍ଚାର ବିଷୟ ହୋଇଛି । 

ଫଟୋରେ ନୁସରତ କଳା ରଙ୍ଗ ମିକି ମାଉସ୍ କାର୍ଟୁନ୍ ପ୍ରିଣ୍ଟ ଥିବା ଲୋଅର ଓ ଟପ୍ ପିନ୍ଧିଛନ୍ତି। ଏଥିସହ ତାଙ୍କ ମୁହଁରେ ପ୍ରେଗ୍ନେନ୍ସି ଗ୍ଲୋ ମଧ୍ୟ ଦେଖିବାକୁ ମିଳିଛି । ଏହି ଫଟୋକୁ ସେଆର କରି ନୁସରତ ଲେଖିଛନ୍ତି, ଆସନ୍ତୁ ହଜି ଯାଇଥିବା ପକ୍ଷୀକୁ ଘରକୁ ଆଣିବା।’ ନୁସରତଙ୍କ ଏହି ଫଟୋ ଏବେ ତାଙ୍କ ପ୍ରଶଂସକଙ୍କୁ ବେଶ୍ ପସନ୍ଦ ଆସୁଛି।

ସୂଚନା ମୁତାବକ ନୁସରତ ଗତ କିଛି ଦିନ ହେବ ନିଜ ବିବାହ ବିବାଦକୁ ନେଇ ଚର୍ଚ୍ଚାରେ ଅଛନ୍ତି। ଏହାରି ଭିତରେ ଗତ କିଛି ଦିନ ପୂର୍ବେ ହିଁ ସେ ନିଜ ଗର୍ଭବତୀ ଥିବା ଖବର ଦେଇଥିଲେ। ନୁସରତ କହିଥିଲେ,‘ବ୍ୟବସାୟୀ ନିଖିଲ ଜୈନଙ୍କ ସହ ତାଙ୍କ ବିବାହ ଭାରତୀୟ ଆଇନ୍ ଅନୁଯାୟୀ ବୈଧ ନୁହେଁ। ଏହା ଲିଭ-ଇନ୍ ରିଲେସନ୍‌ସିପ୍। କାରଣ ତୁର୍କୀରେ ହୋଇଥିବା ତାଙ୍କ ବିବାହକୁ ଭାରତୀୟ ଆଇନରେ ମାନ୍ୟତା ମିଳିନାହିଁ। ଏଥିସହ ସେ ଦୀର୍ଘ ଦିନ ହେବ ନିଖିଲଙ୍କ ଠାରୁ ଅଲଗା ରହୁଛନ୍ତି।’ ନୁସରଙ୍କ ଏଭଳି ମନ୍ତବ୍ୟ ପରେ ବିବାଦ ଉପୁଜିଛି। ତାଙ୍କ ସାଂସଦ ପଦ ରଦ୍ଦ କରିବାକୁ ମଧ୍ୟ ଦାବି ହୋଇଛି।

Powered by Froala Editor