ଅର୍ଥ ମନ୍ତ୍ରଣାଳୟ ମାସିକ ଅର୍ଥନୈତିକ ସମୀକ୍ଷାରେ କହିଛି ଯେ ଦରଦାମ୍ ହ୍ରାସ ପାଉଛି। କିନ୍ତୁ ଆଗାମୀ ଦିନରେ ଖାଦ୍ୟ ସାମଗ୍ରୀ ଦରଦାମ୍ ହ୍ରାସ ପାଇବାର କୌଣସି ସମ୍ଭାବନା ନାହିଁ ବୋଲି ଭାରତୀୟ ରିଜର୍ଭ ବ୍ୟାଙ୍କ କହିଛି। ଯାହା ଅର୍ଥ ମନ୍ତ୍ରାଳୟର ରିପୋର୍ଟ ସହ ତାଳମେଳ ଖାଉ ନାହିଁ । ଆରବିଆଇ କହିଛି ଯେ, ଖାଦ୍ୟ ମହଙ୍ଗାରୁ ଏତେ ଶୀଘ୍ର ଏବେ ମୁକ୍ତି ମିଳିବା ସମ୍ଭବ ନୁହେଁ । ଫଳରେ ଏହାକୁ ନେଇ ସଚେତନ ସହ ସତର୍କ ବି କରାଇଛି । ମନିଟାରୀ ପଲିସି (Monitary Policy)କୁ ଖାଦ୍ୟ ବସ୍ତୁର ଦରଦାମର ସମ୍ଭାବିତ ପ୍ରଭାବଠୁ ଦୂରେଇ ରଖି ଏହାକୁ କମ୍ କରିବାକୁ ପଡିବ ବୋଲି ଆରବିଆଇ ଚେତାବନୀ ଦେଇଛି ।

ବ୍ୟାଙ୍କିଙ୍ଗ ସେକ୍ଟରକୁ ରେଗୁଲେଟ କରୁଥିବା ଭାରତୀୟ ରିଜର୍ଭ ବ୍ୟାଙ୍କ ୬-୮ ଅଗଷ୍ଟରେ ମନିଟାରୀ ପଲିସି କମିଟି ବୈଠକର ମିନିଟସ ଜାରି କରିଛି । ଏଥିରେ ଦରଦାମର ଏକ ଆକଳନ ରହିଛି । ସୂଚନା ଅନୁଯାୟୀ ଜୁଲାଇରେ ଖାଦ୍ୟ ସାମଗ୍ରୀ ମୂଲ୍ୟରେ ବୃଦ୍ଧି ଘଟିଛି। ମୂଳ ପ୍ରଭାବ ହେତୁ, ଦ୍ୱିତୀୟ ତ୍ରୈମାସରେ ସିପିଆଇ ଦରଦାମ୍ ହ୍ରାସ ପାଇପାରେ କିନ୍ତୁ ତୃତୀୟ ତ୍ରୈମାସରେ ଦରଦାମ୍ ବୃଦ୍ଧି ପାଇପାରେ। ଅସମାନ ପାଗ ଯୋଗୁଁ ଖାଦ୍ୟ ଦରଦମ୍ ପ୍ରଭାବିତ ହେବାର ଆଶଙ୍କା ଅଛି। ବୈଶ୍ୱିକ ଅଶାନ୍ତି ଯୋଗୁଁ ଅଶୋଧିତ ତୈଳ ଦର ହ୍ରାସ ପାଉଛି। ମୋବାଇଲ୍ ରିଚାର୍ଜ ବୃଦ୍ଧି ମୂଳ ମୁଦ୍ରାସ୍ଫୀତି ମଧ୍ୟ ବୃଦ୍ଧି କରିପାରେ। ଘରୋଇ ମୁଦ୍ରାସ୍ଫୀତି ଆଶାଠୁ ଅଧିକ ବୃଦ୍ଧି ଘଟିଛି ଏବଂ ଗ୍ରାହକଙ୍କ ଆତ୍ମବିଶ୍ୱାସ ହ୍ରାସ ପାଇଛି।

ଉପଭୋକ୍ତା ମଧ୍ୟ ଅନେକାଂଶରେ ପ୍ରଭାବିତ ହୋଇଛନ୍ତି ଓ ଘରୋଇ ସାମଗ୍ରୀର ମୂଲ୍ୟ ମଧ୍ୟ ଏବେ କମିବାର ନାଁ ନେବନି । ତ୍ରୈମାସିକ ଭାବରେ ଏହାର ପ୍ରଭାବ ସାଧାରଣ ଲୋକଙ୍କ ଉପରେ ପଡିବ ବୋଲି ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ଜଣାଇଛନ୍ତି ।

Powered by Froala Editor