ପୂର୍ବତନ ସାଂସଦ ମିମି ଚକ୍ରବର୍ତ୍ତୀଙ୍କୁ ଦୁଷ୍କର୍ମ ଧମକ
କୋଲକାତା ବଳାତ୍କାର ଓ ହତ୍ୟା ମାମଲାକୁ ନେଇ ସାରା ଦେଶରେ ବିରୋଧ ପ୍ରଦର୍ଶନ କରାଯାଉଛି। ଏହି ସମୟରେ ଜଣାଶୁଣା ବଙ୍ଗୀୟ ଅଭିନେତ୍ରୀ ତଥା ତ୍ରୁଣମୂଳ କଂଗ୍ରେସର ପୂର୍ବତନ ସାଂସଦ ମିମି ଚକ୍ରବର୍ତ୍ତୀଙ୍କୁ ମିଳିଛି ଦୁଷ୍କର୍ମ ଧମକ। କେବଳ ସେତିକି ନୁହେଁ ତାଙ୍କ ପାଖକୁ ଅଶ୍ଳୀଳ ମେସେଜ ମଧ୍ୟ ପଠାଇଛନ୍ତି ଦୁର୍ବୃତ୍ତ। ଏନେଇ ସେ ନିଜେ ସୋଶାଲ ମିଡିଆରେ ପୋଷ୍ଟ କରି ସୂଚନା ଦେଇଛନ୍ତି।
ଅଭିନେତ୍ରୀ ସୋସିଆଲ ମିଡିଆରେ ସ୍କ୍ରିନଶଟ୍ ଶେୟାର କରି ଲେଖିଛନ୍ତି, ଆମେ ଏଠାରେ ମହିଳାମାନଙ୍କ ପାଇଁ ନ୍ୟାୟ ଦାବି କରୁଛୁ। ଏମାନଙ୍କ ମଧ୍ୟରୁ ଅନେକ ଅଛନ୍ତି,ଯେଉଁମାନେ ବଳାତ୍କାର ଧମକ ଦେଉଛନ୍ତି। ଯିଏ କହୁଛନ୍ତି ଆମେ ମହିଳାଙ୍କ ସହ ଛିଡା ହୋଇଛୁ। ସେମାନେ ଏଭଳି ଧମକ ଦେଉଛନ୍ତି। କେଉଁ ଲାଳନପାଳନ ଏବଂ ଶିକ୍ଷା ଏହାକୁ ଅନୁମତି ଦିଏ? ଏହି ପୋଷ୍ଟରେ ସେ କୋଲକାତା ପୋଲିସର ସାଇବର ସେଲ ବିଭାଗକୁ ମଧ୍ୟ ଟ୍ୟାଗ କରିଛନ୍ତି।
Powered by Froala Editor
