ଦୁଇ ନାଆରେ ଗୋଡ ଦେଇ ଫସିଛି ସ୍ୱାମୀ । ଦୁଇ ଦୁଇଟି ସ୍ତ୍ରୀ ରଖିପାର ପରିଣାମ ଭୋଗିବାକୁ ପଡିଛି । ଦ୍ୱିତୀୟ ସ୍ତ୍ରୀ ପ୍ରଥମ ସ୍ତ୍ରୀକୁ ମାରିଦେବା ପରେ ସ୍ୱାମୀର ମୁଣ୍ଡରେ ଚଡ଼କ ପଡିଛି । ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଦହନାପାଳୀ ଗ୍ରାମ ନିକଟସ୍ଥ ଜାମଗାଁରେ ଏ ଅଭାବନୀୟ ଘଟଣା ଘଟିଛି।

ଗ୍ରାମର ହେରେମ୍ୱ ଜଗତଙ୍କ ଦୁଇ ଜଣ ସ୍ତ୍ରୀ ରହିଛନ୍ତି। ଗୋଟିଏ ଘରେ ଦୁଇ ସ୍ତ୍ରୀ ଥିବା ବେଳେ ଉଭୟଙ୍କ ମଧ୍ୟରେ ଗଣ୍ଡଗୋଳ ଲାଗି ରହିଥିଲା। ଦ୍ବିତୀୟ ସ୍ତ୍ରୀ ମାଧୁରୀ ଦେଇ, ପ୍ରଥମ ସ୍ତ୍ର ବାରୁଣୀ ଜଗତଙ୍କ ମୁଣ୍ଡ ଉପରକୁ ଏକ ଷ୍ଟିଲ ବାଲଟିରେ ଆକ୍ରମଣ କରିଥିଲେ। ଆକ୍ରମଣରେ ସେ ଲହୁଲୁହାଣ ହୋଇଥିଲେ। ସାମାନ୍ୟ ଚିକିତ୍ସା କରି ଔଷଧ ସେବନ ପରେ ଘରେ ସେ ରହିଯାଇଥିଲେ। ହଠାତ୍ ତାଙ୍କ ସ୍ବାସ୍ଥ୍ୟ ଅବସ୍ଥାରେ ସମସ୍ୟା ଦେଖାଯିବା ଫଳରେ ତାଙ୍କର ମୃତ୍ୟୁ ହୋଇଥିଲା। ଘଟଣାର ତଦନ୍ତ ପରେ ଦ୍ବିତୀୟ ସ୍ତ୍ରୀ ଓ ସ୍ବାମୀଙ୍କୁ ଥାନାରେ ଅଟକ ରଖିଥିବା ବେଳେ ଉଭୟେ ହତ୍ୟା ଘଟଣା ସମ୍ପୃକ୍ତ ଥିବା ନେଇ ଖଡ଼ିଆଳ ଏସଡ଼ିପିଓ ଅଭିଷେକ ଅରୂପ ବେହେରା ପ୍ରକାଶ କରିଛନ୍ତି।

ଖଡିଆଳ ପୁଲିସ ତଦନ୍ତ କରୁଥିବାବେଳେ ସ୍ୱାମୀ ଓ ଦ୍ୱିତୀୟ ସ୍ତ୍ରୀକୁ ଅଟକ ରଖିଛି । ଜଣାପଡିଛି ଯେ, ଉଭୟ ସ୍ତ୍ରୀଙ୍କ ମଧ୍ୟରେ ପ୍ରାୟ ଦିନ ଝଗଡା ଲାଗି ରହୁଥିଲା । କିନ୍ତୁ ସ୍ୱାମୀ ଏହାକୁ ନେଇ କୌଣସି ପଦକ୍ଷେପ ନେଉନଥିଲେ । ତେଣୁ ରାଗରେ ବୁଧବାର ହଠାତ୍ ଦ୍ୱିତୀୟ ସ୍ତ୍ରୀ ରାଗି ଯାଇ ବାଲ୍‌ଟିରେ ଆକ୍ରମଣ କରିବା ପରେ ପ୍ରଥମ ସ୍ତ୍ରୀର ଜୀବନ ଚାଲିଗଲା । ଏହାକୁ ନେଇ ସ୍ୱାମୀ ଚିନ୍ତାରେ ବସିଥିବାବେଳେ ପୁଲିସ ଅଟକ ରଖିଛି ।

Powered by Froala Editor