ବଲିଉଡ ଅଭିନେତା ଅଜୟ ଦେବଗନ୍ ଙ୍କର ଫିଲ୍ମ 'ଔର ମେ କାହାଁ ଦମ୍ ଥା' ରିଲିଜ୍‌ ହୋଇଛି । ଯେଉଁଥିରେ ସେ ପୁଣି ଥରେ ତବୁଙ୍କ ସହ ନଜର ଆସିଛନ୍ତି । ଏହି ଅନସ୍କ୍ରିନ ଯୋଡି ବର୍ତ୍ତମାନ ପର୍ଯ୍ୟନ୍ତ ଅନେକ ସୁପରହିଟ୍ ଫିଲ୍ମ ଦେଇଛନ୍ତି ।

ଯଦି ଆମେ ଅଜୟ ଦେବଗନ୍ ଏବଂ ତବୁଙ୍କ ଫିଲ୍ମ 'ଔର ମେ କାହାଁ ଦମ୍ ଥା' ବିଷୟରେ କଥା ହେବା, ତେବେ ଏହି ଫିଲ୍ମଟି ଏତେ ଭଲ କଲେକ୍ସନ୍‌ କରିନାହିଁ । ଉଲ୍ଲେଖଯୋଗ୍ୟ ଯେ ଏହା ହେଉଛି ଅଜୟ ଓ ତବୁ ଏକାଠି ଅଭିନୟ କରିଥିବା ଦଶମ ଚଳଚ୍ଚିତ୍ର। ନୀରଜ ପାଣ୍ଡେ ଏହି ପ୍ରେମ କାହାଣୀରେ ତାଙ୍କର ଚିରାଚରିତ ଅସମାନ୍ତରାଳ ନିର୍ମାଣ କୌଶଳ ପ୍ରୟୋଗ କରି ଦର୍ଶକ ମନରେ ଉତ୍କଣ୍ଠା ଜାତ କରିବାକୁ ଚେଷ୍ଟା କରିଛନ୍ତି, କିନ୍ତୁ ବାସ୍ତବରେ ଏହାର ଦୁର୍ବଳ କାହାଣୀ, ପ୍ରତ୍ୟାଶିତ ମୋଡ଼ ଓ ଦୃଶ୍ୟଗୁଡ଼ିକର ବାରମ୍ବାରତା ଦର୍ଶକ ମନକୁ ରୋମାଞ୍ଚିତ କରିବା ବଦଳରେ ବିରକ୍ତ କରିଥାଏ।

ବକ୍ସ ଅଫିସ୍ କଲେକ୍ସନ୍‌ ଅନୁସାରେ, ଏହା ଅଜୟ ଦେବଗନ୍ ସମସ୍ତ ଫିଲ୍ମ ମଧ୍ୟରୁ ସବୁ ଠାରୁ ଖରାପ ହୋଇଛି । ଅଜୟ ଦେବଗନ୍ ଏବଂ ତବୁଙ୍କ ଫିଲ୍ମ 'ଔର ମେ କାହାଁ ଦମ୍ ଥା' ପ୍ରଥମ ଦିନରେ ୨.୧ କୋଟି ଟଙ୍କା କଲେକ୍ସନ୍‌ କରିଛି । ତେବେ ଏହା ଫିଲ୍ମ ପୂର୍ବରୁ ଅନ୍ୟ ସମସ୍ତ ଫିଲ୍ମ ପ୍ରଥମ ଦିନରେ ବହୁତ ଭଲ କଲେକ୍ସନ୍‌ କରିଛି । ଏହା ନୀରଜ ପାଣ୍ଡେଙ୍କ ନିର୍ଦ୍ଦେଶିତ ଫିଲ୍ମ, ଏହି ଫିଲ୍ମର ବଜେଟ୍ ପ୍ରାୟ ୧୪୦କୋଟି ଟଙ୍କା ବୋଲି କୁହାଯାଉଛି ।

Powered by Froala Editor