ବଜେଟ ଘୋଷଣା ପରେ ୪ ହଜାର କମିଲା ସୁନା, ରୁପା
ସୁନା ଓ ରୂପା ଉପରେ କଷ୍ଟମ ଶୁଳ୍କ ହ୍ରାସ କରିବାକୁ ସରକାର ବଜେଟରେ ଘୋଷଣା କରିଥିବାରୁ ମୂଲ୍ୟ ହ୍ରାସ ପାଇଛି। ଏହା ଗ୍ରାହକଙ୍କୁ ଫାଇଦା ଦେଇଛି । ସୁନା ଓ ରୂପା ମୂଲ୍ୟ ଆଜି ଫ୍ୟୁଚର ବଜାରରେ ଏକ ବଡ଼ ହ୍ରାସ ସହିତ କାରବାର କରୁଥିବା ଦେଖିବାକୁ ମିଳିଛି। ସୁନା ମୂଲ୍ୟରେ ୪ ହଜାରରୁ ଅଧିକ ଟଙ୍କା ହ୍ରାସ ଘଟିଛି।
୨୦୨୩ ଅକ୍ଟୋବର ୪ରେ ବିତରଣ ପାଇଁ ସୁନା ୧୦ ଗ୍ରାମ ପିଛା ୬୯,୨୩୦ ଟଙ୍କାରେ କାରବାର ହୋଇଥିବା ଦେଖିବାକୁ ମିଳିଥିଲା। ମଙ୍ଗଳବାର ସନ୍ଧ୍ୟାରେ ୫.୪୪ ପ୍ରତିଶତ ହ୍ରାସ ହେବା ସୁନା ମୂଲ୍ୟରେ ୪୦୦୦ ଟଙ୍କା ହ୍ରାସ ପାଇଛି। ପୂର୍ବରୁ ୧୦ ଗ୍ରାମ ପିଛା ୬୭, ୫୦୦ ଥିଲା, ଏବେ ୬୪ ହଜାର କମିଛି। ପୂର୍ବରୁ ରୁପା କିଲୋ ୯୫ ହଜାର ଥିଲା, ଏବେ ୯୦ ହଜାର ହୋଇଛି।
ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଘୋଷଣା ଅନୁଯାୟୀ, ସୁନା ଓ ରୁପା ଉପରେ ଲାଗୁ ହେଉଥିବା ଆମଦାନୀ ଶୁଳ୍କ ୧୫%ରୁ ୬%କୁ ହ୍ରାସ ପାଇଛି। ଏହା ମଧ୍ୟରେ ଥିବା ମୂଳ ସୀମା ଶୁଳ୍କ ୧୦ରୁ ୫% ଓ କୃଷି ସେସ୍ ୫%ରୁ ୧%କୁ କମିଛି। ଏହି ହ୍ରାସ ନିଷ୍ପତ୍ତି ପରେ ସୁନା ଓ ରୁପାର ଦାମ ୪ ହଜାର ଟଙ୍କା ଯାଏ କମି ଯାଇଛି। ତେବେ ବିଶାଳ ମାର୍କେଟ ଅବସ୍ଥା ଓ ଭୌଗଳିକ ରାଜନୀତିକ ବିବାଦ ସମ୍ଭବତଃ ଭବିଷ୍ୟତରେ ଏହାକୁ ପ୍ରଭାବିତ କରିପାରେ।
Powered by Froala Editor
