୨ ମାସ ତଳେ ମିଳିଥିଲା ଦାନ୍ତ, ଏବେ ମିଳିଲା ହାତୀର କଙ୍କାଳ
ରାୟଗଡ଼ା କଲ୍ୟାଣସିଂହପୁର ରେଞ୍ଜ୍ ଅଧୀନ କିର୍କିନ୍ଦା ଜଙ୍ଗଲରୁ ଦୁଇ ହାତୀ ଦାନ୍ତ ମିଳିଥିଲା । ଏନେଇ ଯାଞ୍ଚ କରାଯାଉଥିବାବେଳେ ମୃତ ହାତୀର ଶବ ଠାବ କରାଯାଇଛି । ପ୍ରାଣୀ ବିଭାଗ ଡାକ୍ତର ଘଟଣାସ୍ଥଳରେ ପହଞ୍ଚି କଙ୍କାଳ ଓ ଏବଂ ଅନ୍ୟ କେତେକ ଅଂଶକୁ ସଂଗ୍ରହ କରିଛନ୍ତି ।
ଗତ ମେ ୧୦ ତାରିଖରେ କିର୍କିନ୍ଦା ଜଙ୍ଗଲରେ ପୋତା ଯାଇଥିବା ହାତୀ ଦାନ୍ତର ସନ୍ଧାନ ପାଇଥିଲା ବିଭାଗ । ଏହାପରେ ମରାଯାଇଥିବା ହାତୀ ସମ୍ପର୍କରେ ଅନୁସନ୍ଧାନ କରାଯାଉଥିଲା । ବନ କର୍ମଚାରୀମାନେ ଗତ ଏକ ସପ୍ତାହ ଧରି ଏହି ଜଙ୍ଗଲର ବିଭିନ୍ନ ସ୍ଥାନରେ ଖୋଳତାଡ଼ କରିଥିଲେ । ସୁରାକ୍ ମିଳିବା ପରେ ସୋମବାର ଜିଲ୍ଲା ବନଖଣ୍ଡ ଅଧିକାରୀଙ୍କ ସମେତ ମାଜିଷ୍ଟ୍ରେଟ୍, ପଶୁ ଡାକ୍ତର ଘଟଣାସ୍ଥଳରେ ପହଞ୍ଚି ମାଟିତଳୁ ଉଦ୍ଧାର କରିଥିଲେ ମୃତ ହାତୀର କଙ୍କାଳ ଓ ଶରୀରର ଅ୍ୟାନ୍ୟ ଅଂଶ ।
ସୂଚନାଥାଉ କି, ପ୍ରାୟ ଅଢ଼େଇ ମାସ ତଳେ ହାତୀକୁ ମାରି ଲୁଟି ନିଆଯାଇଥିଲା ୨ ଦାନ୍ତ । ଏହି ଘଟଣାରେ ବିଭାଗ ଦାନ୍ତ ଜବତ କରିବା ସହ ୨ ମାଫିଆ ସୁରେନ୍ଦ୍ର ନାହାକ ଓ ପ୍ରଧନୀଗୁଡ଼ାର ଶଙ୍କର କଣ୍ଡାଗିରିଙ୍କୁ ଗିରଫ କରାଯାଇଥିଲା ।
Powered by Froala Editor
