ଆଉଥରେ ଫେରୁଛି ସ୍ତ୍ରୀ, ଶ୍ରଦ୍ଧା ଶେୟାର୍ କଲେ କଟା ବେଣୀର ପୋଷ୍ଟର
ଭୟଙ୍କର ସ୍ୱିକେଲ ନେଇ ଆସିବ ‘ସ୍ତ୍ରୀ-୨’ । ଯାହାର ପୋଷ୍ଟର ରିଲିଜ ହୋଇସାରିଛି । ସ୍ତ୍ରୀର ପ୍ରଥମ ପାର୍ଟରେ ଅଭିନେତା ରାଜକୁମାର ରାଓ ଓ ଅଭିନେତ୍ରୀ ଶ୍ରଦ୍ଧା କପୁର ନଜର ଆସିଥିଲେ । ହରର୍ କମେଡି ଫିଲ୍ମକୁ ଦର୍ଶକ ବହୁତ ପସନ୍ଦ କରିଥିଲେ । ଏବେ ପାର୍ଟ ୨କୁ ଦର୍ଶକ ଅପେକ୍ଷା କରିଥିବାବେଳେ ପୋଷ୍ଟର ଉତ୍ସାହ ଆଣିଦେଇଛି ।
ସୋସିଆଲ ମିଡିଆରେ ଫିଲ୍ମର ଏକ ପୋଷ୍ଟର ଶେୟାର୍ କରି ଟ୍ରେଲର୍ ରିଲିଜ ବିଷୟରେ ଶ୍ରଦ୍ଧା କପୁର ସୂଚନା ଦେଇଛନ୍ତି। ଅଭିନେତ୍ରୀ କହିଛନ୍ତି ଯେ 'ସ୍ତ୍ରୀ ୨'ର ଟ୍ରେଲର ଜୁଲାଇ ୧୮ରେ ମୁକ୍ତିଲାଭ କରିବ। ତାଙ୍କ X ଆକାଉଣ୍ଟରେ ଏକ ନୂତନ ପୋଷ୍ଟର ଶେୟାର୍ କରି ଶ୍ରଦ୍ଧା ଲେଖିଛନ୍ତି, 'ସ୍ତ୍ରୀ ୨'ର ଟ୍ରେଲର ୨ ଦିନରେ ମୁକ୍ତିଲାଭ କରିବ। ଏହି ଫିଲ୍ମ ୨୦ ଅଗଷ୍ଟ ୨୦୨୪ରେ ପ୍ରେକ୍ଷାଳୟକୁ ଆସିବ। ଏହି ଫିଲ୍ମର ଟିଜର ୨୫ ଜୁନ୍ରେ ମୁକ୍ତିଲାଭ କରିଥିଲା। ରାଜକୁମାର ରାଓ ଏହି ଟିଜର ଶେୟାର କରିଥିଲେ।
ଫିଲ୍ମର ଏହି ନୂଆ ପୋଷ୍ଟର୍ରେ ଏକ କଟା ବେଣୀ ଦେଖିବାକୁ ମିଳେ। ଏହା ପଛରେ ଏକ ଛାଇ ମଧ୍ୟ ଦୃଶ୍ୟମାନ ହୁଏ। ଏହି ପୋଷ୍ଟର୍ଟି ଖୁବ ଭୟଙ୍କର ଦେଖଯାଏ। ପୋଷ୍ଟରରେ ଲେଖା ଅଛି, "ହେ ସ୍ତ୍ରୀ, ରକ୍ଷା କର।' 'ସ୍ତ୍ରୀ' ଫିଲ୍ମର ପ୍ରଥମ ଭାଗର ଲାଇନ୍ ଥିଲା, 'ହେ ସ୍ତ୍ରୀ, କାଲି ଆସିବ।'
Powered by Froala Editor
