ମିଠା ଦେବାକୁ ଡାକି ବେକ କାଟିଦେଲା
![ମିଠା ଦେବାକୁ ଡାକି ବେକ କାଟିଦେଲା](https://odishanewslens.com/news_gallery/31125_1720469723.jpg)
ଜଣେ ମାନସିକ ବିକୃତ ଯୁବକ ନାରକୀୟ କାଣ୍ଡ ଘଟାଇଛି । ସୁବର୍ଣ୍ଣପୁର ଜିଲ୍ଲା ରାନିସରଡା ଗାଁରେ ଡାଳାମଣି ଦୀପଙ୍କ ପୁଅ ମିଲନ ଦୀପ(୧୩) ୩ମାସହେଲା ବଲାଙ୍ଗିର ଜିଲ୍ଲା ସଇନ୍ତଳା ବ୍ଲକ ଭୋଇରପଡାସ୍ଥିତ ମାମୁଁଘର ନୀଳକାନ୍ତ ନାଗଙ୍କ ଘରେ ରହୁଥିଲା । କିନ୍ତୁ ଯୁବକ ଜଣକ ମିଲନକୁ ମିଠା ଦେବାକୁ ଡାକି ନେଇ ଗଳା କାଟି ଦେଇଛି । କେଉଁ କାରଣରୁ ଅଭିଯୁକ୍ତ ଜଣକ ନାବାଳକର ଗଳା କାଟି ଥିଲା ତାହା ଜଣାପଡ଼ି ନାହିଁ । ଏନେଇ ଅଭିଯୋଗ ପରେ ସଇନ୍ତଳା ପୁଲିସ ମାମଲା ରୁଜୁକରି ଅଭିଯୁକ୍ତ ସୁରଞ୍ଚି ଭୋଇ(୪୫)କୁ କୋର୍ଟଚାଲାଣ କରିଛି ।
ସୋମବାର ପ୍ରାୟ ଦିନ ୧୧ ଟା ବେଳକୁ ମିଲନ ବୁଲାବୁଲି କରୁଥିବା ବେଳେ ସୁରଞ୍ଚି ଭୋଇ ମିଲନକୁ ମିଠାଦେବ କହି ଘରକୁ ଡାକି ନେଇଥିଲା । ମିଲନ ପଡୋଶୀ ଭାବି ବିଶ୍ୱାସରେ ତା ସହ ପଳାଇଥିଲା । ହେଲେ ଅଭିଯୁକ୍ତ ଯୁବକ ମିଠା କଣ ଦେବ? ହଠାତ୍ ଏକ ପନିକିରେ ବେକକୁ କାଟି ପକାଇଥିଲା । ପିଲାଟି ରକ୍ତ ଜୁଡୁବୁଡୁ ହୋଇ ଜୀବନ ବିକଳରେ ମାମୁଁ ଘରକୁ ଦୌଡ଼ି ଆସିଥିଲା । ଏହାପରେ ମାମୁଁଘର ଲୋକେ ପୁଲିସକୁ ଖବରଦେବା ସହ ସଇନ୍ତଳା ଡାକ୍ତରଖାନାରେ ଭର୍ତ୍ତି କରିଥିଲେ । ତେବେ ବେକରେ ଗଭୀର ଆଘାତ ଲାଗିଥିବାରୁ ତାକୁ ବଲାଙ୍ଗିର ଭୀମ ଭୋଇ ମେଡିକାଲ କଲେଜ ହସ୍ପିଟାଲକୁ ସ୍ଥାନାନ୍ତର କରାଯାଇଛି । ବର୍ତ୍ତମାନ ନାବାଳକର ସ୍ୱାସ୍ଥ୍ୟାବସ୍ଥା ସ୍ଥିର ଥିବାବେଳେ ପୁଲିସ ଅଭିଯୁକ୍ତ ଯୁବକକୁ ଗିରଫ କରି କୋର୍ଟଚାଲାଣ କରିଛି ।
Powered by Froala Editor