ରେଳ ଧାରଣାରୁ ଉଦ୍ଧାର ହେଲେ ଗୁରୁତର ଯୁବକ
ଭୁବନେଶ୍ବର: ସମ୍ବଲପୁରରୁ ଟିଟିଲାଗଡ଼କୁ ସଂଯୋଗ କରିଥିବା ରେଳପଥର ଚକୁଳି ଫାର୍ମ ନିକଟବର୍ତ୍ତୀ ରେଳ ଧାରଣାରେ ଜଣେ ବ୍ୟକ୍ତି ଗୁରୁତର ଆହତ ଅବସ୍ଥାରେ ପଡି ରହିଥିଲେ। ଖବରପାଇ ଅତାବିରା ଥାନା ଅଧିକାରୀ ସୁକୁମାର ତ୍ରିପାଠୀ ଓ ସମ୍ବଲପୁର ରେଳୱେ ଥାନା ଅଧିକାରୀ ସୌଦାମିନୀ ନାଗଙ୍କ ନିର୍ଦ୍ଦେଶ କ୍ରମେ ଉଭୟ ପୁଲିସ ଦଳ ପହଞ୍ଚି ୧୦୮ ଆମ୍ବୁଲାନ୍ସ ସାହାଯ୍ୟରେ ଚିକିତ୍ସା ପାଇଁ ବୁର୍ଲା ଡାକ୍ତରଖାନାକୁ ପଠାଇଥିଲେ। ଗୁରୁତର ଆହତ ଜଣକ କଳାହାଣ୍ଡି ଜିଲ୍ଲା ନର୍ଲା ଥାନା ଅନ୍ତର୍ଗତ ଗୋଟେନ ଗ୍ରାମର ଉପିନ ମାଝୀ (୨୭) ବୋଲି ଜଣାପଡିଛି। ତାଙ୍କ ମୁଣ୍ଡରେ ଆଘାତ ଲାଗିଥିବା ଜଣାପଡିଛି। ସେ ସମ୍ବଲପୁର ଷ୍ଟେସନରୁ ଟ୍ରେନରେ ଉଠିଥିବା ପ୍ରକାଶ କରିଥିବା ପୁଲିସ ସୂତ୍ରରୁ ଜଣାପଡ଼ିଛି। ହେଲେ କେଉଁ ଟ୍ରେନରେ ଚଢ଼ିଥିଲେ। କେତେବେଳେ ଚଢିଥିଲେ ଏବଂ କେଉଁ କାରଣରୁ ଟ୍ରେନରୁ ଖସି ପଡ଼ିଥିଲେ ତାହା ଜଣାପଡି ନାହିଁ। ତଦନ୍ତ ଜାରି ରହିଛି।
Powered by Froala Editor
