ଅଗଷ୍ଟ ନୁହେଁ, ଡିସେମ୍ବର ୬ରେ ପ୍ରେକ୍ଷାଳୟରେ ଧମାକା କରିବ 'ପୁଷ୍ପା ୨'
![ଅଗଷ୍ଟ ନୁହେଁ, ଡିସେମ୍ବର ୬ରେ ପ୍ରେକ୍ଷାଳୟରେ ଧମାକା କରିବ 'ପୁଷ୍ପା ୨'](https://odishanewslens.com/news_gallery/30733_1718825284.jpg)
ଅଲ୍ଲୁ ଅର୍ଜୁନ ଏବଂ ରଶ୍ମିକା ମନ୍ଦନାଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ପୁଷ୍ପା ୨' ଫିଲ୍ମ ସ୍ଥଗିତ ହେବାର ଖବର ନିଶ୍ଚିତ ହୋଇଛି। ଏହି ଫିଲ୍ମ ଚଳିତ ବର୍ଷ ଅଗଷ୍ଟରେ ରିଲିଜ ହେବାର ଥିଲା । ହେଲେ ବର୍ତ୍ତମାନ ନିର୍ମାତା ଏହାର ରିଲିଜ ତାରିଖ ଘୁଞ୍ଚାଇ ଦେଇଛନ୍ତି । 'ପୁଷ୍ପା ୨'ର ନିର୍ମାତାମାନେ ଅଫିସିଆଲ ବିବୃତ୍ତି ସହିତ ପ୍ରେକ୍ଷାଳୟରେ ଅଲ୍ଲୁ ଅର୍ଜୁନ ଷ୍ଟାରର ରିଲିଜ ହେବାର ନୂଆ ତାରିଖ ଘୋଷଣା କରିଛନ୍ତି।
'ପୁଷ୍ପା ୨' ବର୍ତ୍ତମାନ ଡିସେମ୍ବର ୬ ୨୦୨୪ରେ ପ୍ରେକ୍ଷାଳୟକୁ ଆସିବ। ଅଲ୍ଲୁ ଅର୍ଜୁନଙ୍କ ଫିଲ୍ମକୁ ସ୍ଥଗିତ ରଖିବାର କାରଣ କିଛି ଅବଶିଷ୍ଟ ସୁଟିଂ ଏବଂ ପୋଷ୍ଟ ପ୍ରଡକ୍ସନ୍ କାମ ବୋଲି କୁହାଯାଉଛି। ଚଳଚ୍ଚିତ୍ର ନିର୍ମାତା X ରେ ଏକ ପୋଷ୍ଟ ସେୟାର କରି କହିଛନ୍ତି - 'ପୁଷ୍ପା ୨ ଦି ରୁଲ୍... ହେଉଛି ଭାରତୀୟ ଚଳଚ୍ଚିତ୍ରର ବହୁ ପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ଅନ୍ୟତମ । ପୁଷ୍ପା: ଦି ରାଇଜର ସଫଳତା ପରେ ସିକ୍ଵେଲ୍କୁ ସଂପୂର୍ଣ୍ଣ କରିବା ଏବଂ ଠିକ୍ ସମୟରେ ଆଣିବା ପାଇଁ ଆମେ ନିରନ୍ତର ଚେଷ୍ଟା କରୁଛୁ । କିନ୍ତୁ କିଛି ଅବଶିଷ୍ଟ ଶୁଟ୍ ଏବଂ ପୋଷ୍ଟ ପ୍ରଡକ୍ସନ୍ କାମ ଯୋଗୁଁ ଫିଲ୍ମ ଅଗଷ୍ଟ ୧୫, ୨୦୨୪ରେ ରିଲିଜ୍ ହେବ ନାହିଁ। '
ତେବେ ଫିଲ୍ମର ଏକ ନୂଆ ପୋଷ୍ଟର ରିଲିଜ କରି ଏହି ଅପଡେଟ ଦେଇଛନ୍ତି । ପୋଷ୍ଟରରେ ଅଲ୍ଲୁଙ୍କ ସାନଦାର ଅନ୍ଦାଜ ଦେଖିବାକୁ ମିଳିଛି । ସେ ହାତରେ ଖଣ୍ଡା ଧରିଥିବାର ନଜର ଆସିଛନ୍ତି । ଏହି ପୋଷ୍ଟର ସେୟାର କରି ଡିସେମ୍ୱର୬,୨୦୨୪ରେ ଫିଲ୍ମ ରିଲିଜ ହେବ ବୋଲି କୁହାଯାଇଛି ।
Powered by Froala Editor