ପରଦାରେ ଦର୍ଶକ ଦେଖିବେ ପ୍ରଥମ ମହିଳା ଆଇପିଏସ୍ ଅଫିସରଙ୍କ କାହାଣୀ
ଜୀବନରେ ସଂଘର୍ଷ, ଝଡଝଞ୍ଜାର ସାମ୍ନା କରି ସଫଳତା ପାଇଥିବା ବ୍ୟକ୍ତିତ୍ୱଙ୍କୁ ନେଇ ଫିଲ୍ମ କରିବାର କ୍ରେଜ ରହିଛି । ଦର୍ଶକ ବି ବାୟୋପିକ୍ ଫିଲ୍ମ ଦେଖିବାକୁ ବେଶ୍ ପସନ୍ଦ କରୁଛନ୍ତି । ଏବେ କିରଣ ବେଦୀଙ୍କ ଜୀବନ କାହାଣୀ ପରଦାକୁ ଆସିବ ବୋଲି ଶୁଣିବାକୁ ମିଳିଛି । ସେ ଭାରତର ପ୍ରଥମ ମହିଳା ଆଇପିଏସ୍ ଅଫିସର । ତାଙ୍କ ଜୀବନ ସଂଘର୍ଷପୂର୍ଣ୍ଣ । ମଙ୍ଗଳବାର ଫିଲ୍ମର ନିର୍ମାତାମାନେ ଏକ ଭିଡିଓ ଜାରି କରି ଏହି ଘୋଷଣା କରିଛନ୍ତି। ଏହି ବାୟୋପିକ୍ର ନାମ 'ବେଦୀ: ଦି ନେମ୍ ୟୁ ନୋ, ଦି ଷ୍ଟୋରୀ ୟୁ ଡୋଣ୍ଟ' ରଖାଯାଇଛି।
ଗଣମାଧ୍ୟମ ସହ ଆଲୋଚନା ସମୟରେ ନିଜେ କିରଣ ବେଦୀ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ, ପୂର୍ବରୁ ଅନେକ ଥର ତାଙ୍କୁ ତାଙ୍କ ଜୀବନ କାହାଣୀ ଉପରେ ଚଳଚ୍ଚିତ୍ର ନିର୍ମାଣ କରିବା ପାଇଁ ପ୍ରସ୍ତାବ ମିଳିଥିଲା, କିନ୍ତୁ ତାଙ୍କୁ ଅନୁଭବ ହେଉଛି ଯେ ଏହା ଉପଯୁକ୍ତ ସମୟ।
Powered by Froala Editor
