ସାଉଥ ସୁପରଷ୍ଟାର ପବନ କଲ୍ୟାଣଙ୍କ ଜନସେନା ପାର୍ଟି ଆନ୍ଧ୍ରପ୍ରଦେଶରେ ଐତିହାସିକ ବିଜୟ ହାସଲ କରିଥିଲା। ସୁପରଷ୍ଟାରଙ୍କ ପାର୍ଟି ଲୋକସଭାରେ ୨ଟି ଆସନ ପାଇବାରେ ସଫଳ ହୋଇଥିବା ବେଳେ ତାଙ୍କ ଦଳ ବିଧାନସଭାରେ ୨୧ଟି ଆସନ ପାଇଥିଲା। ଏଥିପାଇଁ ତ' ଏବେ ସେ ଆନ୍ଧ୍ର ପ୍ରଦେଶର ଉପମୁଖ୍ୟମନ୍ତ୍ରୀ ହୋଇଛନ୍ତି। ଉପମୁଖ୍ୟମନ୍ତ୍ରୀ ହେବା ପରେ ତାଙ୍କ ସମ୍ପତ୍ତିକୁ ନେଇ ବେଶ୍ ଚର୍ଚ୍ଚା ହେଉଛି।

ପ୍ରଥମେ ଅଭିନେତା ଓ ପରେ ନେତା ହୋଇଥିବା ପବନ କଲ୍ୟାଣ କେତେ କୋଟିର ମାଲିକ ତାହା ଜାଣିବାକୁ ସମସ୍ତଙ୍କ ଉତ୍ସାହ ବଢିଛି । ଜାତୀୟ ଗଣମାଧ୍ୟମ ମୁତାବକ, ପବନ କଲ୍ୟାଣ ମୋଟ ୧୩୬.୦୫କୋଟିର ମାଲିକ ଅଟନ୍ତି । ୨୦୧୯ରେ ତାଙ୍କର ମୋଟ ସମ୍ପତ୍ତି ୫୨.୮୫କୋଟି ଥିଲା, ଯାହା ପରେ ବଢି ୧୩୬କୋଟିରେ ପହଞ୍ଚିଛି । ଯଦି ଆମେ ତାଙ୍କ ମାସିକ ଆୟ ଦେଖିବା ତେବେ ସେ ମାସକୁ ୧.୫କୋଟି ଟଙ୍କା ଆୟ କରନ୍ତି ।

ଫିଲ୍ମ କଥା କହିବାକୁ ଗଲେ ଏବେ ସେ ତାଙ୍କର ପାରିଶ୍ରମିକ ବଢ଼ାଇଥିବା ଜଣାପଡିଛି  । ଆଗରୁ ସେ ଗୋଟାଏ ଫିଲ୍ମ ପାଇଁ ୧୦-୧୨ କୋଟି ଟଙ୍କା ପାରିଶ୍ରମିକ ନେଉଥିବା ବେଳେ ଫିଲ୍ମ ‘ବକିଲ ସାବ’ର ସଫଳତା ପରେ ସେ ନିଜର ପାରିଶ୍ରମିକ ୫୦କୋଟିକୁ ବଢ଼ାଇଛନ୍ତି  । ବିଜୟୱାଡାରେ ତାଙ୍କର ୧୬କୋଟିର ଘର ଥିବା ବେଳେ ହାଇଦ୍ରାବାଦର ଜୁବଲି ହିଲସରେ ୧୨କୋଟିର ବିଳାସପୂର୍ଣ୍ଣ ବଙ୍ଗଳା ରହିଛି  । ସେହଭଳି ପଓ୍ବନ କଲ୍ୟାଣଙ୍କ ରିୟଲ ଇଷ୍ଟେଷ୍ଟ ନିବେଶ ବିଷୟରେ କହିଲେ, ତାଙ୍କର ବିଭିନ୍ନ ଘରୋଇ ଏବଂ ବ୍ୟବସାୟିକ ସମ୍ପତ୍ତିରେ ନିବେଶ ରହିଛି। ତାଙ୍କର ବିଳାସପୂର୍ଣ୍ଣ କାର୍ର ମୂଲ୍ୟ ୧୪ କୋଟି ଟଙ୍କା ରହିଛି।

ତେବେ ନିର୍ବାଚନ ଜିତିବା ପରେ ପବନ କଲ୍ୟାଣ ମଙ୍ଗଳବାର କହିଥିଲେ ଯେ, ସମଗ୍ର ଦେଶରେ ତାଙ୍କର ଦଳ ହେଉଛି ଏକମାତ୍ର ଦଳ ଯିଏ ପ୍ରତିଦ୍ୱନ୍ଦ୍ୱିତା କରି ୧୦୦ପ୍ରତିଶତ ଆସନ ଜିତିଛି।

Powered by Froala Editor