ଦଲଜିତ୍ଙ୍କ ପୋଷ୍ଟ ଦେଖି ନିଖିଲ କହିଲେ, ଶସ୍ତା ମିଡିଆ ଆଟେନସନ ନେଉଛନ୍ତି
ଟେଲି ଅଭିନେତ୍ରୀ ଦଲଜିତ୍ କୌର ବ୍ୟକ୍ତିଗତ ଜୀବନ ପାଇଁ ଅଧିକ ଚର୍ଚ୍ଚାରେ ରହିଆସିଛନ୍ତି। ନିକଟରେ ଅଭିନେତ୍ରୀ ତାଙ୍କ ଦ୍ୱିତୀୟ ବିବାହରେ ଥିବା ମତଭେଦକୁ ନେଇ ଚର୍ଚ୍ଚାରେ ଅଛନ୍ତି। ଶୁଣିବାକୁ ମିଳିଛି କି ଦୁହେଁ ଅଲଗା ହେବାକୁ ଯାଉଛନ୍ତି । ଏହି ସମୟରେ ଅଭିନେତ୍ରୀ ଇନଷ୍ଟାଗ୍ରାମରେ ପୋଷ୍ଟ ସେୟାର କରିଥିଲେ। କେବଳ ଏତିକି ନୁହେଁ, ସେ ନିଖିଲଙ୍କ ଉପରେ ଧୋକା ଦେବାର ଆରୋପ ମଧ୍ୟ ଲଗାଇଛନ୍ତି।
ହେଲେ ଦଲଜିତ କୌରଙ୍କ ଏସବୁ ଅଭିଯୋଗକୁ ମିଛ ବୋଲି କହିସାରିଛନ୍ତି ନିଖିଲ। ନିଖିଲ କହିଛନ୍ତି କି ଉଭୟ ଆଇନଗତ ଭାବରେ ବିବାହ କରି ନଥିଲେ। ଏସବୁ ମଧ୍ୟରେ ନିଖିଲ ଦଲଜିତଙ୍କୁ ଚେତାବନୀ ଦେଇଛନ୍ତି। କେନିଆରୁ ତାଙ୍କର ଅବଶିଷ୍ଟ ସାମଗ୍ରୀ ପ୍ୟାକ୍ କରିବାକୁ ଚେତାବନୀ ଦେଇଛନ୍ତି। ସେ ଅଭିନେତ୍ରୀଙ୍କ ସୋସିଆଲ ମିଡିଆ ପୋଷ୍ଟ ଗୁଡ଼ିକୁ ଶସ୍ତା ମିଡିଆ ଆଟେନସନ୍ ବୋଲି କହିଛନ୍ତି।
ଯେଉଁଦିନ ନାଇରୋବି ଛାଡ଼ି ଭାରତ ଚାଲିଗଲେ ସେହି ଦିନ ଆମ ସମ୍ପର୍କ ଭାଙ୍ଗିଗଲା ବୋଲି କହିଥିଲେ ନିଖିଲ। ଏହା ସହ ଆମେ ବିବାହ କରିଛୁ ବୋଲି କୌଣସି ଆଇନଗତ ପ୍ରମାଣ ନାହିଁ ବୋଲି ନିଖିଲ କହିଥିଲେ। ଏସବୁ ପରେ ବି ଦଲଜିତ୍ ବିବାହର ଭିଡିଓ ସେୟାର କରିଥିଲେ।
ତାଙ୍କର ଏଭଳି ହାବଭାବ ଦେଖି ସେ ପୁଣି ଥରେ ନିଖିଲଙ୍କ ପାଖକୁ ଫେରିବାକୁ ଚାହୁଥିବା କଥା ଲୋକେ କହିବା ଆରମ୍ଭ କରିଛନ୍ତି। ହେଲେ ନିଖିଲଙ୍କ ପ୍ରତିକ୍ରିୟାରୁ ସେ ବି ସମାନ କଥା ଚାହୁଥିବା ଜଣାପଡ଼ୁନାହିଁ।
Powered by Froala Editor
