କନ୍ୟା ସନ୍ତାନକୁ ଜନ୍ମ ଦେଲେ ନତାଶା, ଖୁସିରେ ଝୁମିଲେ ବରୁଣ
ଶିଶୁକନ୍ୟାର ମାତାପିତା ହେଲେ ବଲିଉଡର ଦମ୍ପତି ବରୁଣ ଧୱନ ଓ ନତାଶା ଦଲାଲ। ବିବାହର ଦୁଇ ବର୍ଷ ପରେ ବରୁଣ ଧୱନ ଏବଂ ନତାଶା ଦଲାଲ ପିତାମାତା ହୋଇଛନ୍ତି । ବରୁଣଙ୍କ ବାପା ତଥା ଫିଲ୍ମ ନିର୍ଦ୍ଦେଶକ ଡେଭିଡ୍ ଧୱନ ଡାକ୍ତରଖାନା ବାହାରକୁ ଆସି ଏହି ଘୋଷଣା କରିଛନ୍ତି। ଡେଭିଡଙ୍କ ସହ ବରୁଣ ମଧ୍ୟ ନଜର ଆସିଥିଲେ। ବାପା ହେବା ପରେ ବରୁଣ ଖୁସି ଥିବା ଜଣାପଡ଼ୁଥିଲା।
ଜୁନ୍ ୩ରେ ନତାଶା ଦଲାଲଙ୍କୁ ମୁମ୍ବାଇର ହିନ୍ଦୁଜା ହସପିଟାଲରେ ଭର୍ତ୍ତି କରାଯାଇଥିଲା । ଏହି ସମୟରେ ଅଭିନେତା ହାତରେ ଅରେଞ୍ଜ କଲରର ବ୍ୟାଗ ଧରିଥିବାର ନଜର ଆସିଥିଲେ । ସେ ହିନ୍ଦୁଜା ହସପିଟାଲରୁ ବାହାରି କାରରେ ବସି ସେଠାରୁ ବାହାରକୁ ଆସିଥିଲେ । ଏହି ସମୟରେ ଅଭିନେତାଙ୍କୁ ଧଳା ରଙ୍ଗର ଟି ସାର୍ଟ ଏବଂ ଡେନିମ୍ ଜିନ୍ସ ପିନ୍ଧିଥିବାର ଦେଖିବାକୁ ମିଳିଛି । ତାଙ୍କର ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା ।
ବରୁଣ ଧୱନ ଏବଂ ନତାଶା ଦଲାଲ ଜାନୁୟାରୀ ୨୪,୨୦୨୧ରେ ଆଲିବାଗରେ ବିବାହ ବନ୍ଧନରେ ବନ୍ଧି ହୋଇଥିଲେ । କରୋନା ମହାମାରୀ ସମୟରେ ପରିବାର ସଦସ୍ୟ ଏବଂ ସାଙ୍ଗମାନଙ୍କ ଉପସ୍ଥିତିରେ ଦୁହେଁ ବିବାହ କରିଥିଲେ । ଅଭିନେତା ବରୁଣଙ୍କ ଓ୍ଵର୍କ ଫ୍ରଣ୍ଟ ବିଷୟରେ କହିବାକୁ ଗଲେ ସେ ଖୁବ୍ ଶୀଘ୍ର 'ବେବି ଜନ୍'ରେ ନଜର ଆସିବେ ।
Powered by Froala Editor
