'ମହାରାଜ୍ଞୀ' ଟିଜର୍ ରିଲିଜ୍ କାଜଲଙ୍କ ଜବରଦସ୍ତ ଏଣ୍ଟ୍ରି
'ମହାରାଜ୍ଞୀ' ଟିଜର୍ ରିଲିଜ୍ ହୋଇଛି। କାଜଲ 'ମହାରାଜ୍ଞୀ'ରେ ଆକ୍ସନ ମୁଡରେ ନଜର ଆସିଛନ୍ତି। ବିଶେଷ କରି କାଜଲଙ୍କ ଏଣ୍ଟ୍ରି ଏକ ଜବରଦସ୍ତ ଡାଏଲଗ୍ ସହ ହେଉଛି, ଯେଉଁଥିରେ ସେ କହୁଛନ୍ତି, 'କ୍ଷମତା ମାଗିକି ନୁହେଁ, ଛଡ଼ାଇ ନେବାକୁ ହୁଏ।' ଏହାପରେ କାଜଲ ଫାଇଟ୍ କରୁଥିବା ଟିଜରରେ ଦେଖିବାକୁ ମିଳୁଛି। ଶୁଟିଂ ସମୟରେ ବ୍ୟାକଗ୍ରାଉଣ୍ଡରେ ଦୁର୍ଗାପୂଜା ସମୟର ଦୃଶ୍ୟ ରହିଛି।
ଟିଜର ଆଉଟ୍ ହେବା ପରେ କାଜଲ ସୋଶାଲ ମିଡିଆରେ ପୋଷ୍ଟ କରି 'ମହାରାଜ୍ଞୀ', ରାଣୀମାନଙ୍କ ରାଣୀ ଟିଜର୍ ରିଲିଜ୍ ହୋଇଛି, ଆଶା କରେ ଏହା ଆପଣଙ୍କୁ ପସନ୍ଦ ଆସିବ ବୋଲି କହିଛନ୍ତି। ସେହିପରି କାଜଲଙ୍କ ସ୍ୱାମୀ ତଥା ଅଭିନେତା ଅଜୟ ଦେବଗନ ମଧ୍ୟ ସୋଶାଲ ମିଡିଆରେ ଟିଜର ପୋଷ୍ଟ କରି 'ଆଲିରେ ଆଲି ମହାରାଜ୍ଞୀ ଆଲି' କ୍ୟାପ୍ସନ ଲେଖିଛନ୍ତି।
ସିନେମାରେ କାଜଲଙ୍କ ବ୍ୟତୀତ ପ୍ରଭୁ ଦେବା, ନାସିରୁଦ୍ଦିନ ଶାହ ମଧ୍ୟ ନଜର ଆସିଛନ୍ତି। ଅନ୍ୟ କଳାକାରଙ୍କ ମଧ୍ୟରେ ସମ୍ୟୁକ୍ତା, ଜିଶୁ ସେନ୍ ଗୁପ୍ତା, ଆଦିତ୍ୟ ସିଲ୍, ଛାୟା କଦମ୍, ପ୍ରମୋଦ ପାଠକ। ସିନେମାର କାହାଣୀ ଓ ନିର୍ଦ୍ଦେଶନା ଭାର ଚରଣତେଜ ଉପଲପତି ସମ୍ଭାଳି ଥିବାବେଳେ ଭେଙ୍କଟ ଅନିଶ ଡୋରିଗିଲୁ ଓ ହରମାନ ବାୱେଜା ପ୍ରଯୋଜନା ଦେଇଛନ୍ତି।
Powered by Froala Editor
