ୱେବ୍ ସିରିଜ୍ 'ପଞ୍ଚାୟତ'ର ସିଜନ୍-୩ର ଟ୍ରେଲର୍ ଆମାଜନ୍ ପ୍ରାଇମ୍ ଭିଡିଓର ରିଲିଜ୍ ହୋଇଛି । ଦୀପକ କୁମାର ମିଶ୍ରାଙ୍କ ନିର୍ଦ୍ଦେଶିତ ଏହି ସିରିଜ୍ ଆସନ୍ତା ୨୮ ତାରିଖରୁ ପ୍ରାଇମ୍ ଭିଡିଓରେ ପ୍ରସାରିତ ହେବ । ଶୋ'ର ଏହି ସିଜନ୍ ରେ ମୋଟ୍ ୮ ଏପିସୋଡ୍ ରହିବ । ହିନ୍ଦୀ ସମେତ ତାମିଲ, ତେଲୁଗୁ, ମାଲାୟାଲମ୍ ଓ କନ୍ନଡ଼ ଭାଷାରେ ବିଶ୍ୱର ୨୪୦ରୁ ଅଧିକ ଦେଶରେ ‘ପଞ୍ଚାୟତ-୩’ର ପ୍ରିମିୟର ହେବ । ଏଥିରେ ଜିତେନ୍ଦ୍ର କୁମାର, ନୀନା ଗୁପ୍ତା, ରଘୁବୀର ଯାଦବ, ଫୈସଲ ମଲିକ, ଚନ୍ଦନ ରୟ ଓ ସାଂଭିକା ଆଦି କଳାକାର ନଜର ଆସିବେ ।

ଅଢ଼େଇ ମିନିଟ୍ ଏହି ଟ୍ରେଲର୍ ରେ ଫୁଲେରା ଗାଁର ରାଜନୀତି ଓ ପ୍ରଧାନ ସଚିବ ଅଭିଷେକଙ୍କ ପ୍ରେମ କାହାଣୀର ଝଲକ୍ ଦେଖିବାକୁ ମିଳିଛି । ଟ୍ରେଲର୍ ରେ ଦେଖିବାକୁ ମିଳିଛି, ଗୋଟିଏ ପଟେ ସଚିବ ଗାଁରେ ଚାଲିଥିବା ରାଜନୀତିଠୁ ଦୂରେଇ ପଢ଼ାରେ ଧ୍ୟାନ ଦେବାକୁ ଚାହୁଁଛନ୍ତି । ଅନ୍ୟପକ୍ଷେ, ଗାଁରେ ପଞ୍ଚାୟତ ନିର୍ବାଚନ ଆରମ୍ଭ ହେବାକୁ ଯାଉଛି । ଏଥର ନିର୍ବାଚନରେ ପ୍ରଧାନଙ୍କ ପ୍ରତିପକ୍ଷ ହୋଇଛି ‘ବନରାକସ’ (ବନ ରାକ୍ଷସ) ଚରିତ୍ର, ଯାହାକୁ ସ୍ଥାନୀୟ ବିଧାୟକଙ୍କ ତରଫରୁ ଖୁବ୍ ସମର୍ଥନ ମିଳିଛି । ପୂର୍ବ ସିଜନ୍ ରେ ବିଧାୟକ ଗାଁର ପ୍ରଧାନ ଓ ସଚିବଙ୍କୁ ଖୁବ୍ ହଇରାଣ କରିଥିଲେ । ଉଭୟଙ୍କ ଚାକିରି ବିପଦରେ ପଡ଼ିଥିଲା । 

Powered by Froala Editor