ସାଉଥ ସୁପରଷ୍ଟାର ରଜନୀକାନ୍ତଙ୍କ ଝିଅ ଐଶ୍ଵର୍ଯ୍ୟା ଏବଂ ଜ୍ୱାଇଁ ଧନୁଷ ଦୁଇ ବର୍ଷ ପୂର୍ବେ ଅଲଗା ହେବାକୁ ନିଷ୍ପତ୍ତି ନେଇଥିଲେ। ଐଶ୍ବର୍ଯ୍ୟା ଏବଂ ଧନୁଷ ଚେନ୍ନାଇ ପରିବାର କୋର୍ଟରେ ଛାଡପତ୍ର ପାଇଁ ଆବେଦନ କରିଥିଲେ। ୨୦୨୨ରେ ଦୁହେଁ ପରସ୍ପରଠାରୁ ଅଲଗା ହେଉଥିବା ନେଇ ଘୋଷଣା କରିବା ପରେ ୨୦୨୪ରେ ‌ଦୁହେଁ ଛାଡ଼ପତ୍ର ପାଇଁ ଆବେଦନ କରିଥିଲେ। ପରସ୍ପରଠାରୁ ଅଲଗା ହେଉଥିବା ନେଇ ଘୋଷଣା କରିଥିଲେ ବି ଏହା ପଛର କାରଣ କ’ଣ ତାହା ଜଣାଇ ନଥିଲେ। ଏବେ ଲୋକପ୍ରିୟ କଣ୍ଠଶିଳ୍ପୀ ସୁଚିତ୍ରା ଦୁହିଁଙ୍କ ଛାଡ଼ପତ୍ରକୁ ନେଇ ଏକ ବଡ଼ ଖୁଲାସା କରିଛନ୍ତି। 

ଛାଡ଼ପତ୍ର ପୂର୍ବରୁ ଧନୁଷ-ଐଶ୍ବର୍ଯ୍ୟ ଅନ୍ୟ ପୁରୁଷ-ମହିଳାଙ୍କ ସହ ଅନୈତିକ ସମ୍ପର୍କ ରଖୁଥିଲେ ବୋଲି ଦାବି କରିଛନ୍ତି ସୁଚିତ୍ରା। ୟୁଟ୍ୟୁବ ଚ୍ୟାନେଲକୁ ଦିଆଯାଇଥିବା ଏକ ସାକ୍ଷାତକାରରେ ସୁଚିତ୍ରା ଏହି ସୂଚନା ଦେଇଛନ୍ତି। ଯାହାକୁ ଶୁଣିବା ପରେ ସଭିଏଁ ଆଶ୍ଚର୍ଯ୍ୟ ହୋଇଯାଇଛନ୍ତି। ସୁଚିତ୍ରା କହିଛନ୍ତି, ଉଭୟ ପରସ୍ପରକୁ ଧୋକ୍କା ଦେଇଛନ୍ତି। କାରଣ ଯେତେବେଳେ ଦୁହେଁ ଏକାଠି ଥିଲେ। ସେମାନେ କାହା ସହିତ ଡେଟ କରୁଥିଲେ। ସାକ୍ଷାତକାରରେ ଯେତେବେଳେ ସୁଚିତ୍ରାଙ୍କୁ ଏହି ଅଭିଯୋଗର ଆଧାର ପଚରାଯାଇଥିଲା, ସେତେବେଳେ ଗାୟିକା କହିଥିଲେ ଯେ ଦୁହେଁ ବାରରେ ବସିଥିଲେ ଏବଂ ପରସ୍ପର ସହ ଉପଭୋଗ କରିବା ପରିବର୍ତ୍ତେ ସେମାନେ ଡେଟିଂ କରୁଥିବା ବ୍ୟକ୍ତିଙ୍କ ସହ ମଦ୍ୟପାନ କରୁଥିଲେ।

କହିବାକୁ ଗଲେ ଐଶ୍ୱର୍ଯ୍ୟାଙ୍କ ଅପେକ୍ଷା ଧନୁଷ ଭଲ ଭାବେ ପିଲାଙ୍କର ଲାଲନପାଳନ କରନ୍ତି । କାହିଁକି ନା ଐଶ୍ୱର୍ଯ୍ୟା ଜଣେ ଖରାପ ମାଆ, କିନ୍ତୁ ଧନୁଷ ପିତା ହେବାର ସମସ୍ତ ଦାୟିତ୍ଵ ଗ୍ରହଣ କରିଛନ୍ତି ଏବଂ ବର୍ତ୍ତମାନ ମଧ୍ୟ କରୁଛନ୍ତି। ସୂଚନାଯୋଗ୍ୟ ଯେ ଧନୁଷ ଏବଂ ଐଶ୍ୱର୍ଯ୍ୟା ସାଧାରଣ ସହମତିରେ ଛାଡପତ୍ର ନେଇଛନ୍ତି।

Powered by Froala Editor