୧୦ ରାଜ୍ୟର ୯୬ ସଂସଦୀୟ କ୍ଷେତ୍ରରେ ମତଦାନ ଗ୍ରହଣ ଜାରି
ନୂଆଦିଲ୍ଲୀ: ଦେଶରେ ଚତୁର୍ଥ ପର୍ୟ୍ୟାୟ ମତଦାନ ଆରମ୍ଭ ହୋଇଛି। ୧୦ଟି ରାଜ୍ୟର ମୋଟ ୯୬ଟି ସଂସଦୀୟ କ୍ଷେତ୍ରରେ ମତଦାନ ଗ୍ରହଣ ଜାରି ରହିଛି। ଏହି ପର୍ୟ୍ୟାୟରେ ମୋଟ ୧୭୧୭ ଜଣ ପ୍ରାର୍ଥୀ ମଇଦାନରେ ରହିଛନ୍ତି। ଆନ୍ଧ୍ରପ୍ରଦେଶର ମୋଟ୍ ୨୫ଟି, ତେଲେଙ୍ଗାନାର ମୋଟ ୧୭ଟି ସମେତ ଉତ୍ତରପ୍ରଦେଶର ୧୩ଟି, ମହାରାଷ୍ଟ୍ରର ୧୧ଟି, ମଧ୍ୟପ୍ରଦେଶର ୮ଟି, ପଶ୍ଚିମବଙ୍ଗର ୮ଟି, ବିହାରର ୫ଟି, ଓଡ଼ିଶା ଏବଂ ଝାଡଖଣ୍ଡରେ ୪ଟି ଲେଖାଏଁ ଆସନ ଓ ଜମ୍ମୁ-କାଶ୍ମୀରର ଗୋଟିଏ ଆସନରେ ମତଦାନ ଗ୍ରହଣ କରାଯାଉଛି। ଚତୁର୍ଥ ପର୍ୟ୍ୟାରେ ୫ଜଣ କେନ୍ଦ୍ରମନ୍ତ୍ରୀ, ଜଣେ ପୂର୍ବତନ ମୁଖ୍ୟମନ୍ତ୍ରୀ, ଦୁଇ କ୍ରିକେଟର ଏବଂ ଜଣେ ଅଭିନେତାଙ୍କ ଭାଗ୍ୟ ପରୀକ୍ଷା କରିବେ ଭୋଟର। ମତଦାନ ସକାଳ ୭ଟାରୁ ଆରମ୍ଭ ହୋଇଥିବା ବେଳେ ସନ୍ଧ୍ୟା ୬ଟା ପର୍ୟ୍ୟନ୍ତ ଚାଲିବ।
ଚତୁର୍ଥ ପର୍ୟ୍ୟାୟ ଲୋକସଭା ନିର୍ବାଚନରେ ୧୭.୭କୋଟି ମତଦାତା ନିଜର ମତଦାନ ସାବ୍ୟସ୍ତ କରିବେ। ଏମାନଙ୍କ ମଧ୍ୟରେ ୮.୯୭କୋଟି ପୁରୁଷ ଭୋଟର ରହିଥିବା ବେଳେ ୮.୭୩କୋଟି ମହିଳା ଭୋଟର ରହିଛନ୍ତି। ମୋଟ ୧୯ଲକ୍ଷ ପୋଲିଂ ଅଧିକାରୀ ଏହି ପର୍ୟ୍ୟାୟରେ ନିୟୋଜିତ ହୋଇଛନ୍ତି।
Powered by Froala Editor
