କନ୍ନଡ ଅଭିନେତ୍ରୀ ଜ୍ୟୋତି ରାଏଙ୍କ ବ୍ୟକ୍ତିଗତ ଫଟୋ ଭାଇରାଲ ହୋଇଥିବା ଅଭିଯୋଗ ହୋଇଛି । ଜଣେ ସୋସିଆଲ ମିଡିଆ ୟୁଜର୍ସଙ୍କ ଦ୍ବାରା ଅଭିନେତ୍ରୀଙ୍କ ବ୍ୟକ୍ତଗତ ଭିଡିଓ ଓ ଫଟୋ ଭାଇରାଲ କରାଯାଇଛି। ଏଥିସହିତ ଉକ୍ତ ବ୍ୟବହାରକାରୀ ୟୁଟ୍ୟୁବରେ ବି ଅଭିନେତ୍ରୀଙ୍କ ଭିଡିଓ ପୋଷ୍ଟ କରି ଦେବେ ବୋଲି ଜ୍ୟୋତି ରାଏଙ୍କୁ ଧମକ ଦେଇ କହିଛନ୍ତି। ଏନେଇ ଅଭିନେତ୍ରୀଙ୍କ ପ୍ରଶଂସକମାନେ ମୁମ୍ବାଇ ପୁଲିସକୁ ଟ୍ୟାଗ କରି ଏହି ଘଟଣାର ଯାଞ୍ଚ ପାଇଁ ଦାବି କରିଛନ୍ତି।

ଜ୍ୟୋତି ରାଏଙ୍କ ଯୁବ ନିର୍ଦ୍ଦେଶକ ମୃକୃ ପୂର୍ବଜଙ୍କ ସହିତ ପ୍ରେମ ସର୍ମ୍ପକ ଅଛି।  ଚଳିତବର୍ଷ ଆରମ୍ଭରେ ଦୁହେଁ ନିଜର ସମ୍ପର୍କ ବିଷୟରେ ସମସ୍ତଙ୍କ ସହିତ ସେୟାର କରି ନିର୍ବନ୍ଧ  କରି ଥିଲେ । ହେଲେ ବିବାହ ପୂର୍ବରୁ ତାଙ୍କ ବ୍ୟକ୍ତିଗତ ଫଟୋ ଭାଇରାଲ ହେବା ଘଟଣା ସମସ୍ୟା ବଢାଇଛି । କାରଣ ଏହା ତାଙ୍କର ଦ୍ୱିତୀୟ ବିବାହ । ସେ ୨୦ବର୍ଷ ବୟସରେ ‌ସେ ପଦ୍ମନାଭଙ୍କୁ ବିବାହ କରିଥିଲେ। ଦୁହିଁଙ୍କର ଏକ ପୁତ୍ର ସନ୍ତାନ ହୋଇଥିଲା । ପଦ୍ମନାଭଙ୍କ ସହିତ ଜ୍ୟୋତିଙ୍କ ସମ୍ପର୍କ ଭଲ ନରହିବାରୁ ଦୁହିଁଙ୍କ ବିବାହ ବିଚ୍ଛେଦ ହୋଇଯାଇଥିଲା। ଜ୍ୟୋତିଙ୍କ ପୁଅକୁ ଏବେ ୧୧ ବର୍ଷ । ସେ ଦ୍ୱିତୀୟ ବିବାହ କରିବେ ବୋଲି ପ୍ରସ୍ତୁତି ହୋଇଥିବାବେଳେ ଏହି ଫଟୋ ଭାଇରାଲ ଘଟଣା ତାଙ୍କୁ ଚିନ୍ତାରେ ପକାଇଛି । 

ତେବେ ଫଟୋ ୟୁଜର୍ସଙ୍କୁ କେମିତି ମିଳିଲା ସେ ଜାଣିନାହାନ୍ତି ବୋଲି କହିଛନ୍ତି । ସାଇବର ପୁଲିସ ଘଟଣାର ଖୋଳତାଡ କରୁଛନ୍ତି । 

Powered by Froala Editor