‘ଟାଇଟାନିକ’ର କ୍ୟାପଟେନ ଆଉ ନାହାନ୍ତି
![‘ଟାଇଟାନିକ’ର କ୍ୟାପଟେନ ଆଉ ନାହାନ୍ତି](https://odishanewslens.com/news_gallery/29820_1714977304.jpg)
ସୁପରହିଟ ଫିଲ୍ମ ‘ଟାଇଟାନିକ’ର ପ୍ରସିଦ୍ଧ ଅଭିନେତା ବର୍ନାର୍ଡ ହିଲଙ୍କ ଦେହାନ୍ତ ହୋଇଛି। ବର୍ନାର୍ଡଙ୍କ ମୃତ୍ୟୁ ଖବର ତାଙ୍କ ପ୍ରଶଂସକଙ୍କୁ ଚକିତ କରିଛି। ଏହି ଚଳଚ୍ଚିତ୍ରକୁ କେବଳ ବିଦେଶ ନୁହେଁ ବରଂ ଭାରତରେ ମଧ୍ୟ ବହୁତ ପସନ୍ଦ କରାଯାଇଛି । ଏଭଳି ପରିସ୍ଥିତିରେ ‘ଟାଇଟାନିକ୍’ ଅଭିନେତାଙ୍କ ମୃତ୍ୟୁ ହେତୁ ସବୁଆଡେ ଶୋକର ଛାୟା ବ୍ୟାପିଛି । ବାର୍ବାରା ଡିକ୍ସନ ଏହି ଖବର ଶେୟାର କରିଛନ୍ତି।
୧୯୯୭ରେ ମୁକ୍ତିଲାଭ କରିଥିବା ମୁଭି ‘ଟାଇଟାନିକ’ରେ କ୍ୟାପଟେନ ଏଡୱାର୍ଡ ଜନ ସ୍ମିଥଙ୍କ ଭୂମିକା ସହିତ ବର୍ନାର୍ଡ ହିଲ ବହୁ ଲୋକପ୍ରିୟତା ହାସଲ କରିଥିଲେ । ଏହା ବ୍ୟତୀତ ସେ ‘ଲର୍ଡ ଅଫ୍ ଦି ରିଙ୍ଗ୍’ ପାଇଁ ମଧ୍ୟ ଜଣାଶୁଣା । ତାଙ୍କ କ୍ୟାରିଅରରେ ସେ କେବଳ ଚଳଚ୍ଚିତ୍ରରେ ନୁହେଁ ଟିଭି ଶୋ ଏବଂ ଥିଏଟରରେ ମଧ୍ୟ କାମ କରିଛନ୍ତି । କିନ୍ତୁ ଇଣ୍ଡଷ୍ଟ୍ରିରେ ଦୀର୍ଘ ସମୟ ବିତାଇବା ଏବଂ ଦର୍ଶକଙ୍କ ହୃଦୟରେ ନିଜର ସ୍ଥାନ ସୃଷ୍ଟି କରିବା ଏବଂ ୧୧ ଟି ଓସ୍କାର ପୁରସ୍କାର ଜିତିବା ପରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ତେବେ ଅଭିନେତାଙ୍କ କିପରି ପରଲୋକ ହେଲା ସେ ସମ୍ପର୍କରେ ସୂଚନା ମିଳିପାରି ନାହିଁ।
ବାର୍ବାରା ଡିକ୍ସନ ସୋସିଆଲ ମିଡିଆରେ ବର୍ନାର୍ଡଙ୍କ ମୃତ୍ୟୁର ଖରାପ ଖବର ଶେୟାର କରିଥିଲେ। ସେ ସମବେଦନା ଜଣାଇ ଏକ ପୋଷ୍ଟ ମଧ୍ୟ ଶେୟାର କରିଛନ୍ତି। ମାଇକ୍ରୋବ୍ଲଗିଂ ସାଇଟ ଏକ୍ସ (ଟୁଇଟର) ରେ ବର୍ନାର୍ଡଙ୍କ ସହ ଏକ ଥ୍ରୋବ୍ୟାକ ଫଟୋ ଶେୟାର କରି ବାର୍ବାରା ଏକ ଭାବପ୍ରବଣ କ୍ୟାପସନ ଲେଖିଥିଲେ।
Powered by Froala Editor