ମୁଁ ଜଣେ ଝିଅ ଓ ଲଢ଼ିପାରେ, ଏମିତି ପୋଷ୍ଟ କରି କଂଗ୍ରେସ ଛାଡ଼ିଲେ ରାଧିକା
![ମୁଁ ଜଣେ ଝିଅ ଓ ଲଢ଼ିପାରେ, ଏମିତି ପୋଷ୍ଟ କରି କଂଗ୍ରେସ ଛାଡ଼ିଲେ ରାଧିକା](https://odishanewslens.com/news_gallery/29808_1714940178.jpg)
ଛତିଶଗଡ କଂଗ୍ରେସ ନେତ୍ରୀ ରାଧିକା ଖେଡା କଂଗ୍ରେସର ପ୍ରାଥମିକ ସଦସ୍ୟତାରୁ ଇସ୍ତଫା ଘୋଷଣା କରିଛନ୍ତି। ସେ ତାଙ୍କ ଇସ୍ତଫା ପତ୍ର କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କୁ ପଠାଇଛନ୍ତି। ରାଜ୍ୟ ପାର୍ଟି ୟୁନିଟ ତାଙ୍କୁ ଅସମ୍ମାନିତ କରିଥିବା ନିକଟରେ ଅଭିଯୋଗ କରିଥିଲେ।
ଇସ୍ତଫା ନେଇ ଟ୍ୱିଟ୍ ଯୋଗେ ସୂଚନା ଦେଇଛନ୍ତି ରାଧିକା। ସେ ଏକ୍ସ ପୋଷ୍ଟରେ ଲେଖିଛନ୍ତି, "ଅତି ଦୁଃଖର ସହ କଂଗ୍ରେସର ପ୍ରାଥମିକ ସଦସ୍ୟତା ପଦରୁ ଇସ୍ତଫା ଦେଉଛି। ୨୨ ବର୍ଷ ଧରି ଦଳ ପାଇଁ ନିଷ୍ଠାର ସହ କାର୍ଯ୍ୟ କରିବା ପରେ ମୋତେ ବିରୋଧର ସାମ୍ନା କରିବାକୁ ପଡିଛି। ଏହାର ମୁଖ୍ୟ ହେଉଛି କାରଣ ମୁଁ ଅଯୋଧ୍ୟା ରାମ ମନ୍ଦିର ନିର୍ମାଣକୁ ସମର୍ଥନ କରିଥିଲି।"
ସେ ଚିଠିରେ ଲେଖିଛନ୍ତି, ପ୍ରାଚୀନ କାଳରୁ ଏହା ଏକ ସତ୍ୟ ଯେ ଯେଉଁମାନେ ଧର୍ମକୁ ସମର୍ଥନ କରନ୍ତି ସେମାନଙ୍କୁ ବିରୋଧ କରାଯାଇଛି। ହିରଣ୍ୟକଶ୍ୟପୁ ଠାରୁ ରାବଣ ଏବଂ କଂସ ପର୍ଯ୍ୟନ୍ତ ସମସ୍ତେ ଏହାର ଉଦାହରଣ । ବର୍ତ୍ତମାନ କିଛି ଲୋକ ଯେଉଁମାନେ ପ୍ରଭୁ ଶ୍ରୀ ରାମଙ୍କ ନାମକୁ ନେଉଛନ୍ତି ସେମାନଙ୍କୁ ବିରୋଧ କରୁଛନ୍ତି। ପ୍ରତ୍ୟେକ ହିନ୍ଦୁଙ୍କ ପାଇଁ ଭଗବାନ ଶ୍ରୀ ରାମଙ୍କ ଜନ୍ମସ୍ଥାନ ଅନେକ ଗୁରୁତ୍ୱ ରଖିଥାଏ ଏବଂ ପ୍ରତ୍ୟେକ ହିନ୍ଦୁ ରାମ ଲାଲାଙ୍କୁ ଦେଖି ତାଙ୍କ ଜୀବନକୁ ସଫଳ ବୋଲି ବିବେଚନା କରୁଥିବାବେଳେ କିଛି ଲୋକ ଏହାକୁ ବିରୋଧ କରୁଛନ୍ତି | ତେଣୁ ଦୁଃଖର ସହ ଦଳ ଏବଂ ପ୍ରାଥମିକ ସଦସ୍ୟତା ପଦରୁ ଇସ୍ତଫା ଦେଉଛି ବୋଲି ରାଧିକା କହିଛନ୍ତି।
ଏକ୍ସ ପୋଷ୍ଟରେ ରାଧିକା କହିଛନ୍ତି, "ମୁଁ ଜଣେ ଝିଅ, ଆଉ ମୁଁ ନିଜେ ଲଢିପାରିବି। ଏବେ ମୁଁ ଠିକ୍ ତାହା କରୁଛି। ଦେଶବାସୀଙ୍କ ପାଇଁ ନ୍ୟାୟ ପାଇଁ ସଂଗ୍ରାମ ଜାରି ରଖିବି।"
Powered by Froala Editor