ଛତିଶଗଡ଼ ଜଙ୍ଗଲରେ ଏନ୍କାଉଣ୍ଟର : ୭ ମାଓବାଦୀ ନିହତ
ମାଲକାନଗିରି ସୀମାନ୍ତ ଛତିଶଗଡ଼ର ନାରାୟଣପୁର ଜିଲ୍ଲା ଆବୁଝାମାଡ଼ ଜଙ୍ଗଲରେ ପୁଲିସ ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ହୋଇଥିଲା। ଏଥିରେ ବର୍ତ୍ତମାନ ସୁଦ୍ଧା ୭ ଜଣ ନକ୍ସଲଙ୍କ ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ୨ ଜଣ ମହିଳା ମାଓବାଦୀ ଅଛନ୍ତି। ଏନକାଉଣ୍ଟର ସ୍ଥାନରୁ ଗୋଟିଏ ଏକେ-୪୭ ସମେତ ବିପୁଳ ପରିମାଣର ଅସ୍ତ୍ରଶସ୍ତ୍ର ଉଦ୍ଧାର କରାଯାଇଛି।
ସୁରକ୍ଷା କର୍ମୀମାନେ ସୋମବାର ନାରାୟଣପୁର ଏବଂ କାନକର ସୀମା ଅଞ୍ଚଳର ଆବୁଜମାରରେ ଅପରେସନ୍ ପାଇଁ ଯାଇଥିଲେ। ଟେକମେଟା ଏବଂ କାକୁର ମଧ୍ୟରେ ଥିବା ଜଙ୍ଗଲରେ ପୁଲିସ ପାର୍ଟି ଏବଂ ମାଓବାଦୀଙ୍କ ମଧ୍ୟରେ ଏହି ଏନକାଉଣ୍ଟର ଘଟିଥିଲା। ଅନୁସନ୍ଧାନ କରବାରୁ ଦୁଇ ମହିଳା ମାଓବାଦୀଙ୍କ ସମେତ ମୋଟ ୭ ଜଣ ମାଓବାଦୀଙ୍କ ମୃତଦେହ ଉଦ୍ଧାର କରାଯାଇ ସେମାନଙ୍କ ପରିଚୟ ଚିହ୍ନଟ କରାଯାଇଛି।
ଉଲ୍ଲେଖଯୋଗ୍ୟ, ଚଳିତମାସ ଆରମ୍ଭରେ, ଛତିଶଗଡର କାଙ୍କେର ଜିଲ୍ଲାରେ ଗୁଳି ବିନିମୟରେ ବରିଷ୍ଠ ବିଦ୍ରୋହୀ ନେତା ଶଙ୍କର ରାଓଙ୍କ ସମେତ ସୁରକ୍ଷା ବାହିନୀ ୨୯ ମାଓବାଦୀଙ୍କୁ ହତ୍ୟା କରିଥିଲା।
Powered by Froala Editor
