ମସଲାରେ କୀଟନାଶକ ଔଷଧ ଥିବା ଅଭିଯୋଗକୁ ଏମ୍ଡିଏଚ୍ର ଖଣ୍ଡନ
![ମସଲାରେ କୀଟନାଶକ ଔଷଧ ଥିବା ଅଭିଯୋଗକୁ ଏମ୍ଡିଏଚ୍ର ଖଣ୍ଡନ](https://odishanewslens.com/news_gallery/29659_1714334642.jpg)
ଏମ୍ଡିଏଚ୍ ଓ ଏଭେରେଷ୍ଟକୁ ହଂକଂ ଓ ସିଙ୍ଗାପୁର୍ରେ ବ୍ୟାନ୍ କରାଯାଇଛି। ଏହି ସମଲାରେ ମାରାତ୍ମକ କ୍ୟାନ୍ସର ରୋଗ ସୃଷ୍ଟି କରୁଥିବା କୀଟନାଶକ ଔଷଧ ମିଳିବା ଖବର ଆସିବା ପରେ ପ୍ରଥମେ ଏହାକୁ ହଂକଂ ଓ ପରେ ସିଙ୍ଗାପୁର୍ରେ ବିକ୍ରି ଉପରେ ପ୍ରତିବନ୍ଧକ ଲଗାଯାଇଛି। ଏହାପରେ କେନ୍ଦ୍ର ସରକାର ଏହି ମସଲାର ନମୂନା ସଂଗ୍ରହ କରି ପରୀକ୍ଷଣ କରିବାକୁ ନିର୍ଦ୍ଦେଶ ଦେଇଛନ୍ତି।
ସେପଟେ ଏହି ମସଲାକୁ ନେଇ ରିଟେଲ ବଜାରରେ ବିବାଦ ଦେଖାଇଛି। ଏସବୁ ଭିତରେ ଏନେଇ ଏବେ ସଫେଇ ରଖିଛି ଏମ୍ଡିଏଚ୍। ତାଙ୍କ ମସଲା ଶହେ ପ୍ରତିଶତ ସୁରକ୍ଷିତ ବୋଲି କୁହାଯାଇଛି। ଏଥିସହ ତାଙ୍କ ମସଲାରେ କୀଟନାଶକ ଔଷଧ ଥିବା ଅଭିଯୋଗକୁ ଏମ୍ଡିଏଚ୍ ଖଣ୍ଡନ କରିବା ସହ ଏହାକୁ ଭିତ୍ତିହୀନ ବୋଲି କହିଛି। ସଂରକ୍ଷଣ ଠାରୁ ପ୍ରକ୍ରିୟାକରଣ ଏବଂ ପ୍ୟାକେଜିଂ ପର୍ଯ୍ୟନ୍ତ କୌଣସି ପର୍ଯ୍ୟାୟରେ ଏହାର ଉତ୍ପାଦରେ ଇଥିଲିନ ଅକ୍ସାଇଡ ବ୍ୟବହାର କରାଯାଉ ନାହିଁ । ଏହା ଉଭୟ ଘରୋଇ ଏବଂ ଆନ୍ତର୍ଜାତୀୟ ସ୍ତରରେ ସମସ୍ତ ସ୍ୱାସ୍ଥ୍ୟ ଏବଂ ନିରାପତ୍ତା ମାନଦଣ୍ଡକୁ କଠୋର ଭାବେ ପାଳନ କରେ ବୋଲି କମ୍ପାନୀ କହିଛି।
ଏମ୍ଡିଏଚ୍ ତରଫରୁ ଜାରି କରାଯାଇଥିବା ବୟାନରେ କୁହାଯାଇଛି ଯେ, ଏପର୍ଯ୍ୟନ୍ତ ହଂକଂ କିମ୍ବା ସିଙ୍ଗାପୁରର ଖାଦ୍ୟ ନିରାପତ୍ତା ନିୟନ୍ତ୍ରକଙ୍କ ଆଣିଥିବା ଅଭିଯୋଗ ପ୍ରମାଣ ହୋଇନାହିଁ। ଉଭୟ ଦେଶର ନିୟାମକମାନେ ସ୍ପାଇସ ବୋର୍ଡ ଅଫ ଇଣ୍ଡିଆ କିମ୍ବା ଘରୋଇ ନିୟାମକ FSSAI କୁ କୌଣସି ପରୀକ୍ଷା ରିପୋର୍ଟ କିମ୍ବା ଯୋଗାଯୋଗ ବା କମ୍ୟୁନିକେଶନ ପଠାଇ ନାହାଁନ୍ତି।
Powered by Froala Editor