ଭୂସ୍ଖଳନରେ ଭାରତ-ଚୀନ ସୀମାନ୍ତ ରାସ୍ତା ନଷ୍ଟ
ଅରୁଣାଚଳ ପ୍ରଦେଶରେ ଏକ ବଡ଼ ଧରଣର ଭୂସ୍ଖଳନ ଘଟିଛି। ଚୀନ୍ର ସୀମାକୁ ସଂଯୋଗ କରୁଥିବା ଏକ ରାଜପଥରେ ଏହି ଭୂସ୍ଖଳନ ହୋଇଥିବା ସୂଚନା ରହିଛି। ଏହି କାରଣ ଯୋଗୁ ଚୀନ୍ ସୀମାବର୍ତ୍ତୀ ଅଞ୍ଚଳ ସହିତ ଯୋଗାଯୋଗ ନଷ୍ଟ ହୋଇଯାଇଛି। ଏଥିରେ ଦିଭଙ୍ଗ ଉପତ୍ୟକା ମଧ୍ୟ ସାମିଲ ଅଛି। ଏହା ହେଉଛି ଏକମାତ୍ର ମାର୍ଗ ଯାହାକି ଦିଭଙ୍ଗ ଉପତ୍ୟାକା ଜିଲ୍ଲାକୁ ବାକି ଭାରତ ସହିତ ସଂଯୋଗ କରୁଛି।
ଜଣେ ଅଧିକାରୀଙ୍କ କହିବାନୁସାରେ, କିଛି ଦିନ ହେବ ସଂପୃକ୍ତ ଅଞ୍ଚଳରେ ପ୍ରବଳ ବର୍ଷା ହୋଇଛି। ଏହି କାରଣରୁ ଅନେକ ସ୍ଥାନରେ ଭୂସ୍ଖଳନ ଘଟିଛି। ଏଥିଯୋଗୁ ଜାତୀୟ ରାଜପଥ -୩୩ ପ୍ରଭାବିତ ହୋଇଛି। ଜାତୀୟ ରାଜପଥ -୩୩ରେ ହନଲି ଏବଂ ଅନିନୀଙ୍କ ମଧ୍ୟରେ ପ୍ରବଳ ଭୂସ୍ଖଳନ ହେବାର ସୂଚନା ମିଳିଛି।
ଏହି ଘଟଣାରେ ଅରୁଣାଚଳ ପ୍ରଧାନମନ୍ତ୍ରୀ ପେମା ଖଣ୍ଡୁ ଉଦ୍ବେଗ ପ୍ରକାଶ କରିଛନ୍ତି। ସେ ଟୁଇଟ୍ କରି ଲେଖିଛନ୍ତି, “ହନଲି ଏବଂ ଅନିନୀ ମଧ୍ୟରେ ରାଜପଥରେ ବ୍ୟାପକ କ୍ଷୟକ୍ଷତି ହେତୁ ଯାତ୍ରୀମାନଙ୍କ ପାଇଁ ହେଉଥିବା ଅସୁବିଧା ଜାଣି ମୁଁ ବିବ୍ରତ। ଏହି ରାସ୍ତା ଦିଭଙ୍ଗ ଉପତ୍ୟାକାରୁ ଦେଶର ଅନ୍ୟ ଭାଗ ସହିତ ସଂଯୋଗ କରୁଥିବାରୁ ଶୀଘ୍ର ସଂଯୋଗକୁ ପୁନସ୍ଥାପନ କରିବାକୁ ନିର୍ଦ୍ଦେଶ ଦିଆଯାଇଛି।”
Powered by Froala Editor
