କିଛି ଦିନ ପୂର୍ବରୁ ବଲିଉଡ ସୁପରଷ୍ଟାର ସଲମାନ ଖାନଙ୍କ ଘରକୁ ଆଟାକ୍ ହୋଇଥିବା ଖବର ଆସିଥିଲା । ଆଟାକ୍ କରିଥିବା ୨ ଯୁବକଙ୍କୁ ଗିରଫ କରାଯାଇଛି । ସେମାନେ ଲରେନ୍ସ ବିଷ୍ଣୋଇ ଗ୍ୟାଙ୍ଗର ବୋଲି ଜଣାପଡିଛି । ହେଲେ ଶୁକ୍ରବାର ସୁପରଷ୍ଟାର ସଲମାନ ଖାନଙ୍କ ଘରୁ ଗ୍ୟାଙ୍ଗଷ୍ଟର ଲରେନ୍ସ ବିଷ୍ନୋଇଙ୍କ ନାମରେ କ୍ୟାବ ବୁକ୍ କରିବା ଅଭିଯୋଗରେ ଜଣେ ୨୦ ବର୍ଷୀୟ ଯୁବକ ଗିରଫ ହୋଇଛନ୍ତି । ଅଭିଯୁକ୍ତ ଉତ୍ତରପ୍ରଦେଶର ଗାଜିଆବାଦର ରୋହିତ ତ୍ୟାଗି ।

ରୋହିତ ସଲମାନ ଖାନଙ୍କ ଘର ଗାଲାକ୍ସି ଆପାର୍ଟମେଣ୍ଟରୁ ଲରେନ୍ସ ବିଷ୍ଣୁଙ୍କ ନାମରେ ଏକ କ୍ୟାବ ବୁକ୍ କରିଥିଲା। ଯେତେବେଳେ କ୍ୟାବ ଡ୍ରାଇଭର ସଲମାନ ଖାନଙ୍କ ଘରେ ଗାଲାକ୍ସି ଆପାର୍ଟମେଣ୍ଟରେ ପହଞ୍ଚି ସେଠାରେ ଥିବା ଜଗୁଆଳିଙ୍କୁ ବୁକିଂ ବିଷୟରେ ପଚାରିଥିଲେ, ପ୍ରଥମେ ସେ ଆଶ୍ଚର୍ଯ୍ୟ ହୋଇଯାଇଥିଲେ। ତାପରେ ଜଗୁଆଳି ଜଣକ ତୁରନ୍ତ ନିକଟସ୍ଥ ବାନ୍ଦ୍ରା ପୁଲିସ୍‌ ଷ୍ଟେସନକୁ ଯାଇ ବୁକିଂ ବିଷୟରେ ସୂଚନା ଦେଇଥିଲେ।

ମୁମ୍ବାଇର ବାନ୍ଦ୍ରା ପୁଲିସ କ୍ୟାବ ଡ୍ରାଇଭରଙ୍କୁ ପଚରାଉଚରା କରିବା ସହ କ୍ୟାବକୁ ଅନଲାଇନରେ ବୁକ୍ କରିଥିବା ବ୍ୟକ୍ତିଙ୍କ ବିଷୟରେ ଟ୍ରାକିଂ କରିଥିଲା। ପୁଲିସ କହିଛି ଯେ, କ୍ୟାବ ବୁକ୍ କରିଥିବା ବ୍ୟକ୍ତି ଗାଜିଆବାଦର ଜଣେ ୨୦ ବର୍ଷ ବୟସ୍କା ଛାତ୍ର, ଯାହାର ନାମ ରୋହିତ ତ୍ୟାଗି। ଏହାପରେ ତାଙ୍କୁ ମୁମ୍ବାଇ ଆଣି କୋର୍ଟରେ ହାଜର କରାଯାଇଥିଲା ।

Powered by Froala Editor