ଦୁର୍ଘଟଣାରେ ଦିବ୍ୟାଙ୍କାଙ୍କ ହାତ ହାଡ଼ ଭାଙ୍ଗିଲା
ଲୋକପ୍ରିୟ ଅଭିନେତ୍ରୀ ଦିବ୍ୟାଙ୍କା ତ୍ରିପାଠୀ ଦୁର୍ଘଟଣାର ସମ୍ମୁଖୀନ ହୋଇଛନ୍ତି । ଗୁରୁବାର ବିଳମ୍ବିତ ରାତିରେ ଦିବ୍ୟାଙ୍କା ତ୍ରିପାଠୀଙ୍କ ଦୁର୍ଘଟଣା ହୋଇଛି । କୁହାଯାଉଛି ଯେ ଏହି ଦୁର୍ଘଟଣାରେ ଦିବ୍ୟାଙ୍କାଙ୍କ ହାତରେ ଦୁଇଟି ହାଡ ଭାଙ୍ଗି ଯାଇଛି । ତାଙ୍କୁ ଶୀଘ୍ର ଡାକ୍ତରଖାନା ନିଆଯାଇଥିଲା । ସେ ଅସ୍ତ୍ରୋପଚାର କରିଛନ୍ତି ଏବଂ ବର୍ତ୍ତମାନ ଚିକିତ୍ସିତ ହେଉଛନ୍ତି । ଦିବ୍ୟାଙ୍କାଙ୍କ ପିଆର ଟିମ୍ ତାଙ୍କ ଦୁର୍ଘଟଣାର ଖବର ସମସ୍ତଙ୍କ ସହ ସେୟାର କରିଛନ୍ତି ।
ଖବର ଅନୁଯାୟୀ, ଦିବ୍ୟାଙ୍କା ହାତର ସର୍ଜରୀ ହୋଇଛି । ବର୍ତ୍ତମାନ ସେ ଡାକ୍ତରଖାନାରେ ଅଛନ୍ତି । ତାଙ୍କ ସ୍ୱାମୀ ବିବେକ ଦାହିୟା ମଧ୍ୟ ତାଙ୍କର ସମସ୍ତ କାର୍ଯ୍ୟ ଛାଡି ତାଙ୍କ ପତ୍ନୀଙ୍କ ସହ ଅଛନ୍ତି । ତାଙ୍କ ସ୍ୱାମୀ ବିବେକ ଦାହିୟା ନିଜେ ସୋସିଆଲ ମିଡିଆରେ ପ୍ରଶଂସକଙ୍କ ସହ ତାଙ୍କ ପତ୍ନୀଙ୍କ ଦୁର୍ଘଟଣାର ଖବର ସେୟାର କରିଛନ୍ତି । ତେବେ ଦିବ୍ୟାଙ୍କା କେମିତି ଦୁର୍ଘଟଣାର ଶିକାର ହେଲେ ତାହା ସ୍ପଷ୍ଟ ହୋଇନାହିଁ । ସୋସିଆଲ ମିଡିଆରେ ଦୁର୍ଘଟଣା ଖବର ପ୍ରଚାର ପରେ ତାଙ୍କର ଆରୋଗ୍ୟ କାମନା କରିଛନ୍ତି ଫ୍ୟାନ ମାନେ ।
Powered by Froala Editor
