ମୁଁ କୌଣସି ନିର୍ଦ୍ଧିଷ୍ଟ ରାଜନୈତିକ ଦଳକୁ ସମର୍ଥନ କରେନି : ଆମିର
ନିକଟରେ ଆମିର ଖାନ୍ ଙ୍କ ଏକ ଡିପଫେକ୍ ଭିଡିଓ ଭାଇରାଲ ହୋଇଥିଲା। ଯେଉଁଥିରେ ମିଥ୍ୟା ପ୍ରଚାର କରାଯାଇଥିଲା ଯେ, ଅଭିନେତା ଏକ ନିର୍ଦ୍ଦିଷ୍ଟ ରାଜନୈତିକ ଦଳକୁ ସମର୍ଥନ କରୁଛନ୍ତି। ହେଲେ, ଲୋକସଭା ନିର୍ବାଚନ ୨୦୨୪ ମଧ୍ୟରେ ଏଭଳି ଭିଡିଓକୁ ଦେଖି ଆମିର ଖାନ୍ ପ୍ରତିକ୍ରିୟାଶୀଳ ହୋଇପଡ଼ିଛନ୍ତି।
ଏହି ଭିଡିଓ ଫେକ୍ ହୋଇଥିବା ନେଇ ସେ ସ୍ପଷ୍ଟ କରିଛନ୍ତି। ଏଥିସହ କୌଣସି ରାଜନୈତିକ ଦଳ ସହ ତାଙ୍କର ସମ୍ପର୍କ ନଥିବା କହିଛନ୍ତି ଅଭିନେତାଙ୍କ ଅଫିସିଆଲ୍ ଟିମ୍। କେବଳ ସେତିକି ନୁହେଁ ଏହି ଫେକ୍ ଭିଡିଓକୁ ନେଇ ମୁମ୍ବାଇ ସାଇବର କ୍ରାଇମ୍ ପୁଲିସରେ ଆମୀର ଏଫ୍ଆଇର୍ ମଧ୍ୟ କରିଛନ୍ତି।
ଆମିର ଖାନଙ୍କ ପ୍ରବକ୍ତା ସ୍ପଷ୍ଟ କରିଛନ୍ତି ଯେ, ଏହା ମିଥ୍ୟା ଭିଡିଓ। ସେ କେବେ କୌଣସି ରାଜନୀତିକ ଦଳର ପ୍ରଚାର କରିନଥାନ୍ତି। ଏମିତିକି ନିଜ ୩୫ ବର୍ଷର କ୍ୟାରିୟରରେ ମଧ୍ୟ ସେ ଏମିତି କେବେବି କରିନାହାଁନ୍ତି। ସେ ସବୁବେଳେ ଜନତାଙ୍କୁ ଜାଗ୍ରତ କରିଛନ୍ତି। କିନ୍ତୁ କେବେବି କୌଣସି ନିର୍ଦ୍ଦିଷ୍ଟ ଦଳକୁ ନେଇ ପ୍ରଚାର ପ୍ରସାର କରିନାହାନ୍ତି।’’
ସୂଚନାଯୋଗ୍ୟ, କିଛି ମାସ ତଳେ ବଲିଉଡରୁ ଆରମ୍ଭ କରି ସାଉଥ ଏବଂ ଭୋଜପୁରୀର ଅନେକ କଳାକାରଙ୍କ ଡିପଫେକ ଭିଡିଓ ଭାଇରାଲ ହୋଇଥିଲା।
Powered by Froala Editor
