ଷ୍ଟାଡିୟମରୁ ପତାକା ଗୋଟାଇ ମନ କିଣିନେଲେ କିଙ୍ଗ ଖାନ୍
ବଲିଉଡର ସୁପରଷ୍ଟାର ଶାହରୁଖ ଖାନ ତାଙ୍କର ଉଦାରତା ପାଇଁ ସବୁଠି ପ୍ରଶଂସାର ପାତ୍ର ହୋଇଥାନ୍ତି । ରବିବାର ଇଡେନ ଗାର୍ଡେନ୍ସରେ କୋଲକାତା ନାଇଟ ରାଇଡର୍ସ (କେକେଆର୍) ଏବଂ ଲକ୍ଷ୍ନୌ ସୁପର ଜିଆଣ୍ଟସ ମଧ୍ୟରେ ଚାଲିଥିବା ଆଇପିଏଲ ମ୍ୟାଚରେ ଏକ କଡା ଟକ୍କର ଦେଖିବାକୁ ମିଳିଥିଲା, ଯେଉଁଥିରେ କିଙ୍ଗ ଖାନଙ୍କ ଦଳ ‘କେକେଆର୍’ ଜିତିଥିଲା।
କୋଲକାତା ନାଇଟ ରାଇଡର୍ସର ବିଜୟରେ ଶାହାରୁଖ ଖାନଙ୍କ ପ୍ରଶଂସକମାନେ ଯେତିକି ଖୁସି ଥିଲେ, ମ୍ୟାଚ ଶେଷ ହେବା ପରେ କିଙ୍ଗ ଖାନ ଯେଉଁ କାମ କରିଥିଲେ ତାହା ତାଙ୍କ ଫ୍ୟାନ୍ସଙ୍କୁ କୁଣ୍ଢୋମୋଟ କରିଦେଇଛି । ଶାହରୁଖ ଖାନଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ମ୍ୟାଚ ଶେଷ ହେବା ପରେ ସେ ପତାକା ଉଠାଉଥିବା ଦେଖିବାକୁ ମିଳିଛି।
ଭାଇରାଲ ଭିଡିଓରେ ଦେଖାଯାଇଛି ଯେ, ଶାହରୁଖ ଖାନ୍ ଷ୍ଟାଡିୟମରେ ପଡ଼ିଥିବା କେକେଆରର ପତାକା ଉଠାଉଛନ୍ତି। ଖେଳ ଚାଲିଥିବା ବେଳେ କେକେଆର ପ୍ରଶଂସକ ଉଡ଼ାଇଥିବା ପତାକା ତଳେ ପଡ଼ିଥିବା ଦେଖି ଶାହରୁଖ ଏହାକୁ ଉଠାଇଥିଲେ। ଏହାର ଭିଡିଓ ଏବେ ଭାଇରାଲ ହେବା ପରେ ଲୋକେ ତାଙ୍କର ପ୍ରଶଂସା କରିବା ଆରମ୍ଭ କରିଛନ୍ତି।
Powered by Froala Editor
