ହଲିଉଡ୍ ଫିଲ୍ମ 'ଜୋକର୍'ର ୨ୟ ଭାଗର ଟ୍ରେଲର୍ ରିଲିଜ୍ ହୋଇଛି । ଓସ୍କାର ବିଜେତା ଜୋକ୍ୱିନ ଫୋନିକ୍ସଙ୍କ ଏହି ଫିଲ୍ମରେ ପ୍ରସିଦ୍ଧ ଆମେରିକୀୟ ଗାୟିକା ଲେଡି ଗାଗା ଏଣ୍ଟ୍ରି କରିଛନ୍ତି । ମୂଳ ଫିଲ୍ମ ଭଳି ୨ୟ ଭାଗରେ ଫୋନିକ୍ସ ଜୋକର୍ ଭୂମିକା ପ୍ଲେ କରିବେ । ଲେଡି ଗାଗା ଫୋନିକ୍ସଙ୍କ ପାର୍ଟନର୍ ହାର୍ଲେ କ୍ୱିନ୍ ଭୂମିକାରେ ନଜର ଆସିବେ ।

‘ଜୋକର-୨’ଟ୍ରେଲର୍  ରେ ଫ୍ରେଞ୍ଚ୍ ଶବ୍ଦ ‘ଫୋଲି ଏ ଡିଉକ୍ସ’ ପ୍ରୟୋଗ ହୋଇଛି । ଏହାର ଅର୍ଥ ଦୁଇ ଘନିଷ୍ଠ ବ୍ୟକ୍ତିଙ୍କର ମତିଭ୍ରମ । ୨ ମିନିଟ୍ ୩୦ ସେକେଣ୍ଡ୍ର ଏହି ଟ୍ରେଲର୍ ଆରମ୍ଭ ହୋଇଛି ଜେଲରେ ବନ୍ଦୀ ଥିବା ଜୋକର୍ ଓରଫ ଫୋନିକ୍ସଙ୍କଠୁ । ପୁଲିସ ତାଙ୍କୁ ଶୋ’ ପାଇଁ ନେବା ସମୟରେ ହାର୍ଲେ ସହ ତାଙ୍କର ଭେଟ ହୋଇଛି । ହାର୍ଲେ ଜୋକର୍ଙ୍କୁ କହିଛନ୍ତି, ଚାଲ ଆମେ ପଳାଇବା । ଏହା ପରେ ଦୁହେଁ ମିଶି ଏକ ମ୍ୟୁଜିକାଲ ଶୋ’ କରିଛନ୍ତି । ଟ୍ରେଲର୍ ଶେଷରେ ଜୋକର୍ କହିଛନ୍ତି, ଏବେ ସେ ଏକୁଟିଆ ନୁହନ୍ତି ।

 ଏଥିରୁ ସ୍ପଷ୍ଟ ହୁଏ ଯେ ଫିଲ୍ମରେ ଏ ଥର ଜୋକର୍ ଓ ହାର୍ଲେଙ୍କ ପାଗଳାମି ଦେଖିବାକୁ ମିଳିବ । ଗାଗାଙ୍କ ଏଣ୍ଟ୍ରି ପରେ ଫିଲ୍ମର ୨ୟ ଭାଗକୁ ମ୍ୟୁଜିକାଲ ଟଚ୍ ଦିଆଯାଇଛି । ଆସନ୍ତା ଅକ୍ଟୋବର ୪ ତାରିଖରେ ଆମେରିକା ଓ ଭାରତରେ ଏହା ମୁକ୍ତିଲାଭ କରିବ । ଭାରତରେ ଏହା ହିନ୍ଦୀ, ଇଂରାଜୀ, ତାମିଲ ଓ ତେଲୁଗୁ ଭାଷାରେ ରିଲିଜ୍ ହେବ ।

Powered by Froala Editor