କଙ୍ଗନା ଗୋମାଂସ ଖାଆନ୍ତି, କିଭଳି ଟିକେଟ୍ ଦେଲା ବିଜେପି
ଆଗାମୀ ଲୋକ ସଭା ନିର୍ବାଚନ ପାଇଁ ବିଜେପି ବଲିଉଡ ଅଭିନେତ୍ରୀ କଙ୍ଗନା ରଣାଓ୍ବତଙ୍କୁ ମଇଦାନରେ ଓହ୍ଲାଇଛି। ଏବେ ଜଣେ କଂଗ୍ରେସ ନେତା ଅଭିଯୋଗ ଲଗାଇଛନ୍ତି, କଙ୍ଗନା ଗୋମାଂସ ଖାଉଛନ୍ତି, ତେବେ ବିଜେପି ତାଙ୍କୁ କିପରି ଟିକେଟ୍ ଦେଇଛି।
ମହାରାଷ୍ଟ୍ର କଂଗ୍ରେସ ନେତା ବିଜୟ ବଡେଟ୍ଟିଓ୍ୱାର ଅଭିଯୋଗ କରିଛନ୍ତି ଯେ, ହିମାଚଳ ପ୍ରଦେଶୀ ମଣ୍ଡି ଆସନରୁ ବିଜେପି ପ୍ରାର୍ଥୀ ତଥା ବଲିଉଡ ଅଭିନେତ୍ରୀ କଙ୍ଗନା ରଣାଓ୍ୱତ ନିକଟରେ କହିଥିଲେ ଯେ, ତାଙ୍କୁ ଗୋମାଂସ ପସନ୍ଦ ଓ ସେ ଖାଆନ୍ତି। ଏନେଇ ସେ ସୋଶାଲ ମିଡିଆରେ କହିଥିଲେ। ଏହାପରେ ମଧ୍ୟ ବିଜେପି ତାଙ୍କୁ ଟିକେଟ୍ ଦେଇ ପ୍ରାର୍ଥୀ କରିଛି।
ଗତ କିଛିଦିନ ପୂର୍ବରୁ କଂଗ୍ରେସ ପ୍ରବକ୍ତା ସୁପ୍ରିୟା ଶ୍ରୀନେତ କଙ୍ଗନାଙ୍କୁ ଆପତ୍ତିଜନକ ବୟାନ ଦେଇଥିଲେ। ପୁଣି କିଛିଦିନ ପରେ କଙ୍ଗନା, ରାହୁଲଙ୍କ ସମ୍ପର୍କରେ ବିବାଦୀୟ ବୟାନ ଦେଇଥିଲେ। ଏବେ କଂଗ୍ରେସ ନେତା କଂଗ୍ରେସ ନେତା ବିଜୟ ବଡେଟ୍ଟିଓ୍ୱା ଅଭିଯୋଗ ଲଗାଇଛନ୍ତି, କଙ୍ଗନା ଗୋମାଂସ ଖାଉଛନ୍ତି, ତେବେ ବିଜେପି ତାଙ୍କୁ କିପରି ଟିକେଟ୍ ଦେଇଛି।
ଅନ୍ୟପଟେ କଂଗ୍ରେସ ନେତାଙ୍କ ଏହି ଅଭିଯୋଗର ପାଲଟା ଜବାବ ଦେଇଛି ବିଜେପି। ବିଜେପି ମୁଖପାତ୍ର କେଶବ ଉପାଧ୍ୟାୟ କହିଛନ୍ତି, କଂଗ୍ରେସ ଯେଉଁ ଅଭିଯୋଗ ଆଣିଛି, ତାହା ତା’ର ମଇଳା ସଂସ୍କୃତିକୁ ଦର୍ଶାଉଛି। ସେ ଏହି ପ୍ରସଙ୍ଗରେ ଆମ ସହ ଲଢେଇ କରିପାରିବେ ନାହିଁ। ଏହା ଦଳର ପରାଜୟବାଦୀ ମାନସିକତାକୁ ପ୍ରତିଫଳିତ କରେ।
Powered by Froala Editor