୪୦ କୋଟିରେ ବିକ୍ରି ହେଲା ଭାରତୀୟ ପ୍ରଜାତିର ଏହି ଗାଈ
ଗାଈର ଦାମ୍ ୪୦ କୋଟି । ଶୁଣି ଆଶ୍ଚର୍ଯ୍ୟ ଲାଗୁଛି ନା । ହେଲେ ଏକଥା ସତ । ଘଟଣାଟି ହେଉଛି ବ୍ରାଜିଲର । ଭିଆଟିନା -19 FIV ମାରା ଇମୋଭିସ୍ ନାମରେ ଜଣାଶୁଣା ନେଲୋର ଗାଈଟି ୪୦ କୋଟି ଟଙ୍କାରେ ବିକ୍ରି ହୋଇଛି । ଏହା ବର୍ତ୍ତମାନ ପର୍ଯ୍ୟନ୍ତ ବିକ୍ରି ହୋଇଥିବା ସବୁଠାରୁ ଦାମୀ ଗାଈ ଭାବେ ଏକ ନୂଆ ରେକର୍ଡ ପ୍ରତିଷ୍ଠା କରିଛି ।
ନେଲୋର ପ୍ରଜାତିର ଗାଈ ଦେଖିବାକୁ ବହୁତ ସୁନ୍ଦର । ଏହାର ଉତ୍ପତ୍ତି ଭାରତରେ ହୋଇଥିଲେ ମଧ୍ୟ ବ୍ରାଜିଲରେ ଲୋକପ୍ରିୟ । ନେଲୋର ପ୍ରଜାତିଟି ଇଣ୍ତିଆନ ଅନଗୋଲ ପ୍ରଜାତିର ଗୋରୁମାନଙ୍କଠାରୁ ଉତ୍ପନ୍ନ । ୧୮୬୮ରେ ଏହି ଅନମୋଲ ଜାତୀୟ ପ୍ରଜାତି ବ୍ରାଜିଲ ରପ୍ତାନୀ ହୋଇଥିଲା । ସେବେଠାରୁ ନେଲୋର ପ୍ରଜାତିର ଗାଈର ସୃଷ୍ଟି ହୋଇଛି ।
ବ୍ରାଜିଲରେ ଥିବା ଗୋରୁମାନଙ୍କ ମଧ୍ୟରେ ପ୍ରାୟ ୮୦ ପ୍ରତିଶତ ହେଉଛନ୍ତି ନେଲୋର ପ୍ରଜାତିର । ନେଲୋର ପ୍ରଜାତି ମୁଖ୍ୟତଃ ପରଜୀବୀ ସଂକ୍ରମଣକୁ ପ୍ରତିରୋଧ କରିପାରେ । ପ୍ରତିକୂଳ ପରିବେଶ ସତ୍ତ୍ୱେ ସହଜ ପ୍ରଜନନ, ସ୍ଥିରତା, ଏହା ସହ ବ୍ରାଜିଲର ବିଭିନ୍ନ ଜଳବାୟୁରେ ନିଜକୁ ଫିଟ ରଖିବାର ଗୁଣ ପାଇଁ ଏହି ପ୍ରଜାତି ପଶୁପାଳକଙ୍କ ମଧ୍ୟରେ ଅତି ପ୍ରିୟ ହୋଇପାରିଛି । ବ୍ରାଜିଲରେ ଆୟୋଜିତ ହୋଇଥିବା ଏହି ନିଲାମରେ ଗାଈର ଏପରି ଦାମ୍ ସମସ୍ତଙ୍କୁ ଚକିତ କରିଥିଲା ।
Powered by Froala Editor
