ଗାଜା ଉପରେ ପୁଣି ଆକ୍ରମଣ କଲା ଇସ୍ରାଏଲ
ଇସ୍ରାଏଲ ଓ ହମାସ ମଧ୍ୟରେ ହୋଇଥିବା ଅସ୍ତ୍ରବିରତି ଚୁକ୍ତିକୁ ଉଲ୍ଲଙ୍ଘନ କରି ବୁଧବାର ଇସ୍ରାଏଲ ଗାଜା ସିଟି ଉପରେ ଏୟାର ଷ୍ଟ୍ରାଇକ କରିଛି। ଆକ୍ରମଣକୁ ନେଇ ଇସ୍ରାଏଲ କହିଛି ଯେ, ହମାସ ତରଫରୁ ଗୁଳିଗୋଳା ମାଡ ହେବା ପରେ ରକେଟ୍ ଆକ୍ରମଣ କରାଯାଇଛି । ଏହାର ଠିକ୍ ପୂର୍ବରୁ ଇସ୍ରାଏଲର ଦକ୍ଷିଣପନ୍ଥୀମାନେ ଜେରୁଜେଲମ ନିକଟରେ ଶୋଭାଯାତ୍ରା କରିଥିଲେ । ଅନେକ ଉତ୍ତେଜନାପୂର୍ଣ୍ଣ ନାରା ମଧ୍ୟ ସେମାନେ ଲଗାଇଥିଲେ । ପାଲେଷ୍ଟାଇନ୍ ଏହି ଘଟଣାକୁ ନେଇ ଅସନ୍ତୋଷ ବ୍ୟକ୍ତ କରିଥିଲା ।
ସୂଚନାଯୋଗ୍ୟ, ଗତମାସରେ ଉଭୟ ପକ୍ଷ ମଧ୍ୟରେ ୧୧ ଦିନ ଧରି ଯୁଦ୍ଧ ଚାଲିଥିଲା । ଏହା ଚଳିତ ଦଶନ୍ଧୀର ଚତୁର୍ଥ ଯୁଦ୍ଧ ଥିଲା । ୧୧ ଦିନ ଧରି ଚାଲିଥିବା ଆକ୍ରମଣ ପ୍ରତିଆକ୍ରମଣ ଯୋଗୁ ଗାଜାରେ ବ୍ୟାପକ କ୍ଷୟକ୍ଷତି ହୋଇଥିଲା। ଇସ୍ରାଏଲର ଆକ୍ରମଣରେ ପାଲେଷ୍ଟାଇନରେ ୨୬୦ ଜଣଙ୍କ ମୃତ୍ୟୁ ଘଟିଥିବା ବେଳେ ଏକାଧିକ ପ୍ରତିଷ୍ଠାନ ମାଟିରେ ମିଶିଥିଲା।
ସେହିପରି ପାଲଟା ଆକ୍ରମଣରେ ଇସ୍ରାଏଲରେ ମଧ୍ୟ ୧୩ ଜଣଙ୍କ ମୃତ୍ୟୁ ଘଟିଥିଲା। ବିଶ୍ୱର ବିଭିନ୍ନ ରାଷ୍ଟ୍ର ଶାନ୍ତି ପ୍ରତିଷ୍ଠା ପାଇଁ ନିବେଦନ କରିବା ପରେ ଇସ୍ରାଏଲ ଓ ହମାସ ମଧ୍ୟରେ ମେ’ ୨୧ରେ ଅସ୍ତ୍ରବିରତି ଉଲ୍ଲଙ୍ଘନ ନ କରିବାକୁ ଚୁକ୍ତି ହୋଇଥିଲା। ହେଲେ ଏହାକୁ ଇସ୍ରାଏଲ ଉଲ୍ଲଙ୍ଘନ କରିଛି।
Powered by Froala Editor
